OLUYIMBA 14
Okutendereza Kabaka w’Ensi Omuggya
-
1. Ekibiina ’kinene kiva
mu mawanga gonna;
Yesu Kristo n’abalonde
be bakikuŋŋaanyizza.
’Bwakabaka bwa Katonda
Buzaaliddwa era bujja.
Essuubi lino litugumya;
Mazima lya muwendo nnyo.
(CHORUS)
Tendanga Yakuwa, Tenda n’Omwana we
Gw’alonze nga Kabaka waffe.
Ka tube bawulize bulijjo
Wansi w’obufuzi bwe.
-
2. Kabaka waffe, Yesu Kristo,
tumutendereza.
Agenda kutuukiriza
Katonda by’ayagala.
Essanyu lingi gye bujja:
Ensi teribaamu kutya;
Abafu balizuukizibwa.
’Ssanyu lijjule ’nsi yonna!
(CHORUS)
Tendanga Yakuwa, Tenda n’Omwana we
Gw’alonze nga Kabaka waffe.
Ka tube bawulize bulijjo
Wansi w’obufuzi bwe.
