2 Ebyomumirembe Eky’Okubiri 27:1-9
-
Yosamu, kabaka wa Yuda (1-9)
27 Yosamu+ yatandika okufuga ng’alina emyaka 25, era yafugira emyaka 16 mu Yerusaalemi. Nnyina yali ayitibwa Yerusa muwala wa Zadooki.+
2 Yakolanga ebirungi mu maaso ga Yakuwa nga kitaawe Uzziya bye yakola,+ naye ye teyayingira we yali tasaanidde kuyingira mu yeekaalu ya Yakuwa.+ Kyokka bo abantu baali bakyeyisa bubi.
3 Yazimba omulyango ogw’eky’engulu ogw’ennyumba ya Yakuwa,+ era yakola omulimu munene ku bbugwe wa Oferi.+
4 Yazimba ebibuga+ mu kitundu kya Yuda eky’ensozi,+ era n’azimba ebigo+ n’eminaala+ mu bibira.
5 Yalwana ne kabaka w’Abaamoni+ era n’abawangula. Mu mwaka ogwo Abaamoni baamuwa ttalanta* za ffeeza 100 ne koro* z’eŋŋaano 10,000 n’eza ssayiri 10,000. Era Abaamoni baamuwa ebintu ebyo ne mu mwaka ogw’okubiri n’ogw’okusatu.+
6 Bw’atyo Yosamu ne yeeyongera okuba ow’amaanyi, kubanga yali amaliridde okutambulira mu makubo ga Yakuwa Katonda we.
7 Ebyafaayo ebirala ebikwata ku Yosamu, entalo zonna ze yalwana, n’amakubo ge, biwandiikiddwa mu Kitabo kya Bakabaka ba Isirayiri n’aba Yuda.+
8 Yatandika okufuga ng’alina emyaka 25, era yafugira emyaka 16 mu Yerusaalemi.+
9 Awo Yosamu n’agalamizibwa wamu ne bajjajjaabe, ne bamuziika mu Kibuga kya Dawudi.+ Akazi mutabani we n’amusikira ku bwakabaka.+
Obugambo Obuli Wansi
^ Ttalanta yali yenkana kilo 34.2. Laba Ebyong. B14.
^ Koro yali egyaamu lita 220. Laba Ebyong. B14.
