Amosi 2:1-16
2 “Bw’ati Yakuwa bw’agamba,‘“Olwa Mowaabu okujeema emirundi esatu,+ n’olw’okujeema emirundi ena, sirikikyusa,Kubanga yayokya amagumba ga kabaka wa Edomu okufunamu ennoni.
2 Kyendiva nsindika omuliro mu Mowaabu,
Era gulyokya eminaala gya Keriyoosi;+Mowaabu alifiira mu luyoogaano,Mu kulaya enduulu z’olutalo, ne mu kufuuwa eŋŋombe.+
3 Ndiggya omufuzi* mu Mowaabu,Era abaami baamu bonna ndibattira wamu naye,”+ Yakuwa bw’agamba.’
4 Bw’ati Yakuwa bw’agamba,‘Olwa Yuda okujeema emirundi esatu,+ n’olw’okujeema emirundi ena, sirikikyusa,Kubanga baaleka amateeka ga* Yakuwa,Era tebaakwata biragiro bye;+Eby’obulimba bajjajjaabwe bye baagoberera nabo bibawabizza.+
5 Kyendiva nsindika omuliro mu Yuda,Era gulyokya eminaala gya Yerusaalemi.’+
6 Bw’ati Yakuwa bw’agamba,‘Olwa Isirayiri okujeema emirundi esatu,+ n’olw’okujeema emirundi ena, sirikikyusa,Kubanga batunda omutuukirivu olwa ffeeza,N’omwavu olw’omugogo gw’engatto.+
7 Balinnyirira emitwe gy’abanaku mu nfuufu y’ensi,+Era baziba ekkubo ly’abawombeefu.+
Omusajja ne kitaawe beegatta n’omuwala omu,Ne bavumaganya erinnya lyange ettukuvu.
8 Bagalamira ku mabbali ga buli kyoto+ ku ngoye ze baatwala ng’omusingo,+Era omwenge gwe banywera mu nnyumba* za bakatonda baabwe baagufuna ku abo be baatanza.’
9 ‘Kyokka nze nnazikiriza Abaamoli mu maaso gaabwe,+Abantu abaali abawanvu ng’emiti gy’entolokyo, era abaali ab’amaanyi ng’emiyovu;Nnazikiriza ebibala byabwe waggulu, era ne nzikiriza emirandira gyabwe wansi.+
10 Nnabaggya mu nsi ya Misiri,+Ne mbatambuza mu ddungu okumala emyaka 40,+Musobole okutwala ensi y’Abaamoli.
11 Abamu ku batabani bammwe nnabalonda okuba bannabbi,+Ate abamu ku bavubuka bammwe ne mbalonda okuba Abanaziri.+
Si bwe kyali, mmwe abantu ba Isirayiri?’ Yakuwa bw’agamba.
12 ‘Naye Abanaziri mwabawanga omwenge okunywa,+Era ne bannabbi ne mubalagira nti: “Temwogera bunnabbi.”+
13 Kyendiva mbabetentera mu kifo kyammwe,Ng’ekigaali ekijjudde emmere ey’empeke eyaakakungulwa bwe kibetenta ebyo ebiba wansi waakyo.
14 Ow’embiro alibulwa ekifo ky’addukiramu,+Ow’amaanyi amaanyi galimuggwaamu,Era tewali mulwanyi aliwonawo.
15 Omukwasi w’omutego gw’obusaale alidduka,Oyo adduka ennyo talisobola kudduka kwetaasa,Era omwebagazi w’embalaasi talisobola kutaasa bulamu bwe.
16 N’oyo asingayo okuba omuvumu* mu balwanyiAlidduka bukunya ku lunaku olwo,’+ Yakuwa bw’agamba.”
Obugambo Obuli Wansi
^ Obut., “omulamuzi.”
^ Oba, “obulagirizi bwa.”
^ Oba, “yeekaalu.”
^ Oba, “N’abo abalina emitima emigumu.”
