Oluyimba lwa Sulemaani 2:1-17

  • Omuwala (1)

    • ‘Ndi kimuli eky’omu lusenyi’

  • Omusumba (2)

    • ‘Omwagalwa wange alinga eddanga’

  • Omuwala (3-14)

    • ‘Temugolokosa kwagala kwange okutuusa we kulyagalira’ (7)

    • Ebigambo by’omusumba (10b-14)

      • “Nnalulungi wange, jjangu tugende” (10b, 13)

  • Bannyina b’omuwala (15)

    • “Mutukwatire ebibe”

  • Omuwala (16, 17)

    • “Omwagalwa wange, wange, nange ndi wuwe” (16)

2  “Ndi kimuli bumuli eky’omu lusenyi,Eddanga ery’omu biwonvu.”+  2  “Ng’eddanga mu maggwa,Gwe njagala bw’ali bw’atyo mu bawala.”  3  “Ng’omuti gwa apo bwe guba mu miti egy’omu kibira,N’omwagalwa wange bw’ali bw’atyo mu bavubuka. Njagala nnyo okutuula mu kisiikirize kye,Era ekibala kye kimpoomera.  4  Yannyingiza mu nnyumba omuliirwa ebijjulo,*Era bbendera ye eyali ku nze kwe kwagala.  5  Mumpe ebitole by’ezzabbibu+ ne apo,Ndye nziremu amaanyi,Kubanga omukwano gundwazizza.  6  Omukono gwe ogwa kkono guli wansi w’omutwe gwange;N’omukono gwe ogwa ddyo gumpambaatidde.+  7  Mmwe abawala ba Yerusaalemi,Mbalayiza enjaza+ n’empeewo ez’oku ttale: Temugolokosanga kwagala kwange newakubadde okukuzuukusa okutuusa we kulyagalira.+  8  Mpulira eddoboozi ly’omwagalwa wange! Laba! Wuuyo ajja,Ng’alinnya ensozi, ng’obusozi abuyitako awenyuka.  9  Omwagalwa wange alinga enjaza, alinga empeewo ento.+ Wuuli ayimiridde emabega w’ennyumba yaffe,Alingiza mu ddirisa,Atunula mu ddirisa ery’akatimba. 10  Omwagalwa wange aŋŋamba nti,‘Yimuka gwe gwe njagala ennyo,Nnalulungi wange, jjangu tugende. 11  Laba! Ekiseera ky’obutiti* kiyise,Enkuba eweddeyo, egenze. 12  Ebimuli byanyizza mu nsi,+Ekiseera ky’okusalira kituuse,+Era oluyimba lw’ejjiba luwulirwa mu nsi yaffe.+ 13  Ebibala by’omutiini ebisooka byengedde;+Emizabbibu gimulisizza era giwunya akawoowo. Omwagalwa wange, yimuka ojje. Nnalulungi wange, jjangu tugende. 14  Ggwe ejjiba lyange, vaayo mu mpampagama z’olwazi,+Vaayo eyo aweekusifu mu lwazi olugulumivu,Nkulabe era mpulire eddoboozi lyo,+Kubanga eddoboozi lyo ddungi era olabika bulungi.’”+ 15  “Mutukwatire ebibe,Ebibe ebito ebyonoona ennimiro zaffe ez’emizabbibu,Kubanga emizabbibu gyaffe gimulisizza.” 16  “Omwagalwa wange, wange, nange ndi wuwe.+ Alundira endiga+ mu malanga.+ 17  Ng’empewo tennatandika kukunta, era nga n’ebisiikirize tebinnaggwaawo,Komawo mangu omwagalwa wange,’enjaza+ oba empeewo ento+ ku nsozi eziri wakati waffe.*

Obugambo Obuli Wansi

^ Obut., “nnyumba ey’omwenge.”
^ Oba, “ky’enkuba.”
^ Era kiyinza okuvvuunulwa, “nsozi ez’omuwaatwa.” Oba, “nsozi z’e Beteri.”
ENKYUSA EY'ENSI EMPYA EY'EBYAWANDIIKIBWA EBITUKUVU
Oluyimba lwa Sulemaani 2
Luganda
Soma Bayibuli ku Intaneeti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt lup. 40