Yobu 34:1-37
34 Awo Eriku ne yeeyongera okwogera n’agamba nti:
2 “Muwulirize ebigambo byange, mmwe ab’amagezi;Mumpulirize mmwe abamanyi ebingi.
3 Kubanga okutu kugezesa ebigamboNg’olulimi bwe lulega ku mmere.
4 Ka tweyawulirewo ekituufu;Ka twesalirewo ekirungi.
5 Kubanga Yobu agambye nti, ‘Ndi mutuufu,+Naye Katonda tandaze bwenkanya.+
6 Nnyinza okwogera eby’obulimba ku ngeri gye ŋŋwanidde okulamulwamu?
Ekiwundu kyange tekisobola kuwona, wadde nga sirina kibi kye nkoze.’+
7 Muntu ki alinga Yobu,Anywa obunyoomi ng’amazzi?
8 Abeera n’abakozi b’ebibi,Era abeera wamu n’abantu ababi.+
9 Agambye nti, ‘Omuntu talina ky’aganyulwaMu kugezaako okusanyusa Katonda.’+
10 N’olwekyo mumpulirize mmwe abasajja abategeevu:*
Tekiyinzika Katonda ow’amazima okukola ebintu ebibi,+Tekiyinzika Omuyinza w’Ebintu Byonna okukola ekikyamu!+
11 Kubanga ajja kusasula omuntu okusinziira ku bikolwa bye,+Era ajja kumuleka atuukibweko ebiva mu makubo ge.
12 Mazima ddala Katonda tayinza kukola bintu bibi;+Omuyinza w’Ebintu Byonna tayinza kukola kitali kya bwenkanya.+
13 Ani yamuwa omulimu gw’okulabirira ensi,Era ani yamussaawo okufuga ensi yonna?
14 Bw’abassaako ebirowoozo bye,*Bw’abaggyako omwoyo gwe n’omukka gwe,+
15 Abantu bonna bafa,Ne baddayo mu nfuufu.+
16 Bw’oba ng’olina okutegeera, ssaayo omwoyo ku kino;Wuliriza n’obwegendereza kye ŋŋamba.
17 Omuntu atayagala bwenkanya asaanidde okufuga,Oba wandinenyezza omuntu ow’amaanyi omutuukirivu?
18 Oyinza okugamba kabaka nti, ‘Tolina mugaso,’
Oba abakungu nti, ‘Muli babi’?+
19 Waliwo Oyo ateekubiira ku ludda lw’abaami,Era abagagga n’abaavu* abayisa kyenkanyi,+Kubanga bonna mirimu gya mikono gye.+
20 Bayinza okufa ekibwatukira+ mu matumbi budde;+Bakankana nnyo ne bafa;N’ab’amaanyi baggibwawo, naye si na mikono gya bantu.+
21 Kubanga amaaso ga Katonda galaba amakubo g’omuntu,+Era alaba empenda ze zonna.
22 Teri kizikiza oba kisiikirizeAbabi gye bayinza okwekweka.+
23 Kubanga Katonda talina muntu yenna gwe yagerekera ekiseeraOkuyimirira mu maaso ge alamulwe.
24 Amenya ab’amaanyi nga tekimwetaagisizza kunoonyereza,Era assaawo abalala mu kifo kyabwe.+
25 Kubanga amanyi bye bakola;+Abawangula ekiro, ne bazikirizibwa.+
26 Abakuba olw’ebikolwa byabwe ebibi,Mu kifo abantu bonna we basobola okulabira,+
27 Olw’okuba balekedde awo okumugoberera,+Era tebafaayo ku makubo ge;+
28 Baleetera abaavu okumukaabirira,N’awulira okukaaba kw’abo abateesobola.+
29 Katonda bw’asirika ani ayinza okumunenya?
Bw’akweka amaaso ge, ani ayinza okumulaba?
K’abe ng’agakwese ggwanga oba muntu, ebivaamu bye bimu,
30 Omuntu atatya Katonda* aleme okufuga+Oba okutega abantu emitego.
31 Waliwo ayinza okugamba Katonda nti,‘Mbonerezeddwa wadde nga sizzizza musango;+
32 Njigiriza kye simanyi;Bwe mba nga nnina ekikyamu kye nnakola, siriddamu kukikola’?
33 Akusasule nga bw’oyagala ng’ate tokkiriza by’asazeewo?
Ggwe olina okusalawo so si nze.
Kale, mbuulira ky’omanyi obulungi.
34 Abantu abategeevu* bajja kuŋŋamba,—Omuntu yenna ow’amagezi awulira bye njogera ajja kuŋŋamba nti—
35 ‘Yobu ayogeza butamanya,+Era ebigambo bye si bya magezi.’
36 Yobu k’agezesebwe* mu bujjuvuKubanga by’addamu biringa ebyo abantu ababi bye baddamu!
37 Ku kibi kye ayongerako bujeemu;+Akuba mu ngalo ze n’obunyoomi ng’ali mu maaso gaffeEra ayogera ku Katonda ow’amazima ebigambo bingi ebivvoola!”+
Obugambo Obuli Wansi
^ Obut., “omutima.”
^ Obut., “omutima gwe.”
^ Oba, “ab’ebitiibwa n’abatali ba bitiibwa.”
^ Oba, “Kyewaggula.”
^ Obut., “abalina omutima.”
^ Era kiyinza okuvvuunulwa, “Kitange, Yobu k’agezesebwe.”
