Zabbuli 109:1-31
Eri akubiriza eby’okuyimba. Zabbuli ya Dawudi. Luyimba.
109 Ai Katonda gwe ntendereza,+ tosirika.
2 Kubanga ababi n’abalimba banjogerako ebibi.
Banjogerako eby’obulimba;+
3 Banneetooloola ne boogera ebigambo ebinnumya;Bannumba awatali nsonga.+
4 Wadde mbaagala, bo bankyawa;+Naye nze nneeyongera kusaba.
5 Mu birungi bansasulamu bibi,+Mu kwagala ne bansasulamu obukyayi.+
6 Omuntu omubi k’amulamule;Omulabe* k’ayimirire ku mukono gwe ogwa ddyo.
7 Omusango ka gumusinge ng’awozesebwa,N’okusaba kwe ka kutwalibwe ng’ekibi.+
8 Ennaku ze ka zibe ntono;+Omulimu gwe ogw’obulabirizi omulala k’agutwale.+
9 Abaana* be ka bafuuke bamulekwa,Ne mukazi we k’afuuke nnamwandu.
10 Abaana* be ka babeere bakireereesi abasabiriza,Banoonyenga emmere nga bava mu bifulukwa mwe babeera.
11 Amubanja k’amutwaleko byonna by’alina,Era n’abantu b’atamanyi ka banyage ebintu bye.
12 Ka waleme kubaawo amulaga ekisa,*Era ka waleme kubaawo asaasira abaana b’alese nga bamulekwa.
13 Bazzukulu be ka bazikirizibwe;+Erinnya lyabwe ka lisangulibwewo mu mulembe ogumu.
14 Yakuwa k’ajjukire ensobi za bajjajjaabe,+Era ekibi kya nnyina ka kireme kusangulwawo.
15 Yakuwa k’ajjukirenga bye bakoze;K’aggirewo ddala mu nsi kye bayinza okujjuukirirwako.+
16 Kubanga omuntu oyo teyajjukira kulaga kisa,*+Naye yanoonya omuntu anyigirizibwa,+ omwavu, era amenyese omutima,Amutte.+
17 Yayagalanga nnyo okukolimira abalala naye ebikolimo ne bimuddira;Teyayagalizanga balala mikisa era naye teyagifuna.
18 Yayambala ebikolimo ng’ayambala olugoye.
Era byayiibwa mu mubiri gwe ng’amazzi,Ne mu magumba ge ng’amafuta.
19 Ebikolimo bye ka bibeere ng’olugoye lwe yeezingirira+Era ka bibeere ng’omusipi gwe yeesiba bulijjo.
20 Ekyo Yakuwa ky’asasula omulabe wange,+N’abo abanjogerako ebibi.
21 Ai Yakuwa Mukama Afuga Byonna,Nnyamba olw’erinnya lyo.+
Nnunula, kubanga okwagala kwo okutajjulukuka kulungi.+
22 Ndi munaku era seesobola,+Era omutima gwange gufumitiddwa.+
23 Nzigwaawo ng’ekisiikirize ekigenda kivaawo;Nsammuddwa eri ng’enzige.
24 Amaviivi gange gatendewaliddwa olw’okusiiba,Omubiri gwange gunyaaluse, era nkozze mpeddewo.
25 Banvuma.+
Bwe bandaba, banyeenya emitwe.+
26 Nnyamba, Ai Yakuwa Katonda wange;Ndokola olw’okwagala kwo okutajjulukuka.
27 Ka bamanye nti omukono gwo gwe gukikoze;Nti ggwe, Ai Yakuwa, ggwe akikoze.
28 Ka bakolime, naye ggwe k’ompe omukisa.
Bwe basituka okunnwanyisa ka baswale,Naye omuweereza wo k’ajaganye.
29 Abalabe bange ka bambale obuswavu;Ensonyi zaabwe ka zibabikke ng’olugoye.*+
30 Akamwa kange kajja kutendereza nnyo Yakuwa;Nja kumutenderereza mu maaso g’abantu abangi.+
31 Kubanga ajja kuyimirira ku mukono gw’omunaku ogwa ddyoOkumuwonya abo abamusalira omusango.
Obugambo Obuli Wansi
^ Oba, “Amulumiriza.”
^ Obut., “Batabani.”
^ Obut., “Batabani.”
^ Oba, “okwagala okutajjulukuka.”
^ Oba, “kwagala okutajjulukuka.”
^ Oba, “ng’ekizibaawo ekitaliiko mikono.”
