Zabbuli 113:1-9
113 Mutendereze Ya!*
Mmwe abaweereza ba Yakuwa mumutendereze,Mutendereze erinnya lya Yakuwa.
2 Erinnya lya Yakuwa litenderezebweOkuva leero n’okutuusa emirembe n’emirembe.+
3 Erinnya lya Yakuwa litenderezebwe+Okuva ebuvanjuba okutuuka ebugwanjuba.
4 Yakuwa ali waggulu okusinga amawanga gonna;+Ekitiibwa kye kiri waggulu okusinga eggulu.+
5 Ani alinga Yakuwa Katonda waffe,+Abeera* waggulu?
6 Akutama n’atunuulira eggulu n’ensi,+
7 N’ayimusa omunaku okumuggya mu nfuufu.
Ayimusa omwavu n’amuggya mu ntuumu y’evvu,*+
8 Okumutuuza n’ab’ebitiibwa,N’ab’ebitiibwa mu bantu be.
9 Awa omukazi omugumba amaka,N’afuna abaana* n’aba musanyufu.+
Mutendereze Ya!*
Obugambo Obuli Wansi
^ Oba, “Aleruuya!” “Ya” lye linnya Yakuwa nga lisaliddwako.
^ Oba, “Atuula ku ntebe y’obwakabaka.”
^ Era kiyinza okuvvuunulwa, “ku kasasiro.”
^ Obut., “abaana ab’obulenzi.”
^ Oba, “Aleruuya!” “Ya” lye linnya Yakuwa nga lisaliddwako.
