Zabbuli 94:1-23
94 Ai Yakuwa, Katonda awoolera eggwanga,+Ai Katonda awoolera eggwanga, yakaayakana!
2 Yimuka, Ai ggwe Omulamuzi w’ensi.+
Sasula ab’amalala ekibagwanira.+
3 Ai Yakuwa, ababi balituusa wa,Ababi balituusa wa okweyagala?+
4 Bamala googera era baduula;Abakozi b’ebibi bonna beewaana.
5 Babetenta abantu bo, Ai Yakuwa,+Era babonyaabonya obusika bwo.
6 Batta nnamwandu n’omugwira,Era batemula abaana abatalina bakitaabwe.
7 Bagamba nti: “Ya talaba;+Katonda wa Yakobo takiraba.”+
8 Mumanye kino mmwe abatategeera;Mmwe abasirusiru, muliba ddi n’amagezi?+
9 Oyo eyakola* okutu, tasobola kuwulira?
Oyo eyakola eriiso, tasobola kulaba?+
10 Oyo agolola amawanga, tasobola kukangavvula?+
Oyo y’awa abantu amagezi!+
11 Yakuwa amanyi abantu bye balowooza;Akimanyi nti bye balowooza mukka bukka.+
12 Ai Ya, alina essanyu omuntu gw’ogolola,+Oyo gw’oyigiriza ng’okozesa amateeka go,+
13 Okumuwa emirembe mu biseera ebizibu,Okutuusa ababi lwe basimirwa ekinnya.+
14 Kubanga Yakuwa talirekerera bantu be,+Wadde okwabulira obusika bwe.+
15 Ensala y’emisango eriddamu okuba ey’obutuukirivu,Era abo bonna abalina omutima omugolokofu baligoberera ensala eyo.
16 Ani anantaasa ababi?
Ani anamponya abakozi b’ebibi?
17 Singa Yakuwa teyannyamba,Nnandibadde nnasaanawo mu bwangu.*+
18 Bwe nnagamba nti: “Ekigere kyange kiseerera,”
Okwagala kwo okutajjulukuka kwampanirira, Ai Yakuwa.+
19 Bwe nnali nneeraliikirira nnyo,*Wambudaabuda era n’oŋŋumya.+
20 Oyinza okukolagana n’abafuzi* ababi,Abasuula abalala mu mitawaana nga beeyambisa amateeka?+
21 Balumba omutuukirivu,+Era oyo atalina musango bamusalira ogw’okufa.*+
22 Naye Yakuwa ajja kuba kiddukiro kyange,Katonda wange lwe lwazi lwange mwe nzirukira.+
23 Ajja kuleetera ebikolwa byabwe ebibi okubaddira.+
Ajja kubazikiriza* ng’akozesa ebintu ebibi bye bakola.
Yakuwa Katonda waffe ajja kubazikiriza.*+
Obugambo Obuli Wansi
^ Obut., “eyasimba.”
^ Obut., “Nnandibadde mbeera mu kusirika.”
^ Oba, “Ebirowoozo ebyeraliikiriza bwe byannyinga.”
^ Oba, “n’abalamuzi.”
^ Obut., “Era omusaayi gw’oyo atalina musango bagusingisa omusango.”
^ Obut., “Ajja kubasirisa.”
^ Obut., “ajja kubasirisa.”
