Biki Bye Bakkiriza?

TEEKAKO

Biki Bye Bakkiriza?

Biki Bye Bakkiriza?

ABAJULIRWA BA YAKUWA bakkiririza mu Katonda Omuyinza w’Ebintu Byonna, Yakuwa, Omutonzi w’eggulu n’ensi. Ebintu eby’ebyewuunyo ebiri mu butonde obutwetoolodde biraga nti waliwo Omutonzi ow’amagezi era ow’amaanyi ennyo eyabitonda byonna. Ng’ebintu ebikolebwa abasajja n’abakazi bwe byoleka engeri zaabwe, era bwe kiri eri ebyo Yakuwa Katonda bye yakola. Baibuli etutegeeza nti “ebibye ebitabalika okuva ku kutonda ensi birabikira ddala nga bitegeererwa ku bitonde.” Era, awatali ddoboozi oba ebigambo, “eggulu lyogera ekitiibwa kya Katonda.”—Abaruumi 1:20; Zabbuli 19:1-4.

Abantu tebakola bibumbe oba ttivi ne kompyuta nga tebalina kigendererwa. Ensi n’ebitonde ebigiriko, gamba ng’ebimera n’ebisolo bya kitalo nnyo n’okusingawo. Engeri omubiri gw’omuntu ogulimu obukadde n’obukadde bw’obutofaali gye gwakolebwamu tetusobola kugitegeera—era n’obwongo bwe tukozesa okulowooza nabwo bwa kitalo nnyo! Obanga abantu baba n’ekigendererwa nga bayiiya ebintu ebitali bikulu nnyo, mazima ddala Yakuwa Katonda yalina ekigendererwa bwe yakola ebitonde bye eby’ekitalo! Engero 16:4 (NW ) lugamba nti alina ekigendererwa: “Buli kintu Yakuwa yakikola ng’alina ekigendererwa.”

Yakuwa yakola ensi ng’alina ekigendererwa, nga bwe yagamba abantu ababiri abaasooka: “Mweyongerenga mwalenga mujjuze ensi . . . , mufugenga eby’omu nnyanja n’ebibuuka waggulu na buli ekirina obulamu ekitambula ku nsi.” (Olubereberye 1:28) Olw’okujeema, abantu bano ababiri abaasooka baalemwa okujjuza ensi n’amaka amatuukirivu agandirabiridde obulungi ensi n’ebimera n’ebisolo. Naye olw’okuba baalemererwa tekitegeeza nti n’ekigendererwa kya Yakuwa kyagwa butaka. Nga wayiseewo emyaka nkumi na nkumi, kyawandiikibwa nti: “Katonda; eyabumba ensi . . . , yagitonda obutaba ddungu, yagibumba okutuulwamu.” Si ya kuzikirizibwa, naye “ensi ebeerera emirembe gyonna.” (Isaaya 45:18; Omubuulizi 1:4, The New English Bible) Ekigendererwa kya Yakuwa eri ensi kijja kutuukirizibwa: “Okuteesa kwange kulinywera era ndikola bye njagala byonna.”—Isaaya 46:⁠10.

N’olw’ensonga eyo, Abajulirwa ba Yakuwa bakkiriza nti ensi ejja kubeerawo emirembe gyonna era nti abantu bonna, abalamu n’abaafa, abatuukagana n’ekigendererwa kya Yakuwa ekikwata ku nsi erongooseddwa era erimu abantu bayinza okugibeerako emirembe gyonna. Abantu bonna baasikira obutali butuukirivu okuva ku Adamu ne Kaawa, era n’olwekyo, boonoonyi. (Abaruumi 5:12) Baibuli etugamba: “Empeera y’ekibi kwe kufa.” “Abalamu bamanyi nga balifa: naye abafu tebaliiko kye bamanyi.” “Emmeeme eyonoona ye erifa.” (Abaruumi 6:23; Omubuulizi 9:5; Ezeekyeri 18:4, 20) Kati olwo bayinza batya okuba abalamu nate okufuna emikisa eginaabaawo ku nsi? Okuyitira mu ssaddaaka y’ekinunulo kya Kristo Yesu, kubanga yagamba: “Nze kuzuukira, n’obulamu: akkiriza nze, newakubadde ng’afudde, aliba mulamu.” “Bonna abali mu ntaana . . . baliwulira eddoboozi lye, ne bavaamu.”—Yokaana 5:28, 29; 11:25; Matayo 20:⁠28.

Kino kinaasoboka kitya? Kinnyonnyolwa mu ‘mawulire amalungi ag’obwakabaka,’ Yesu ge yatandika okubuulira ng’ali ku nsi. (Matayo 4:17-23, NW ) Naye leero Abajulirwa ba Yakuwa babuulira amawulire amalungi mu ngeri ey’enjawulo.

[Ekipande ekiri ku lupapula 13]

ABAJULIRWA BA YAKUWA BYE BAKKIRIZA

Enzikiriza EbyawandiikibwaEbinnyonnyola

Baibuli Kigambo kya Katonda era 2 Tim. 3:16, 17;

ge mazima 2 Peet. 1:20, 21;

Yok. 17:17

Baibuli yeesigika Mat. 15:3; Bak. 2:8

okusinga obulombolombo

Erinnya lya Katonda ye Yakuwa Zab. 83:18; Is. 26:4;

42:8, AS;

Kuv. 6:3

Kristo ye Mwana wa Katonda era Mat. 3:17;