Yakuwa yawa Sulemaani amagezi mangi era n’amuwa n’enkizo ey’okuzimba yeekaalu, naye oluvannyuma Sulemaani yava ku Yakuwa. Bw’oba oli muzadde, yamba omwana wo okulaba engeri okusinza okw’obulimba gye kwaggya Sulemaani ku Katonda. Obwakabaka bwayawuzibwamu era bakabaka ababi baaviirako abantu ba Isirayiri okwenyigira mu kusinza okw’obulimba. Mu kiseera ekyo, bannabbi ba Yakuwa bangi baayigganyizibwa era ne battibwa. Nnaabakyala Yezebeeri yaleetera okusinza okw’obulimba okwongera okusensera obwakabaka obw’ebukiikakkono. Ekiseera ekyo kyali kibi nnyo mu byafaayo bya Isirayiri. Naye waliwo Abayisirayiri bangi abaali bakyali  abeesigwa eri Yakuwa, nga muno mwe mwali Kabaka Yekosafaati ne nnabbi Eriya.