Ebyokulabirako okuva mu Bayibuli:

• Lus 1:​11-13, 20​—Oluvannyuma lw’okufiirwa omwami we ne batabani be ababiri, Nawomi awulira nti Yakuwa amwabulidde

• Yob 3:​1, 11, 25, 26; 10:1​—Yobu munakuwavu nnyo olw’okufiirwa eby’obugagga bye, abaana be ekkumi, n’olw’obulwadde obw’amaanyi bw’alina

Ebyawandiikibwa ebizzaamu amaanyi:

• Bar 12:19; Yak 1:13

Ebyokulabirako okuva mu Bayibuli ebisobola okukuzzaamu amaanyi:

• Lus 1:​6, 7, 16-18; 2:​2, 19, 20; 3:1; 4:​14-16​—Nawomi bw’addayo eri abantu ba Katonda, n’akkiriza obuyambi obumuweebwa, era n’ayamba abalala, addamu okuba omusanyufu

• Yob 42:​7-16; Yak 5:11​—Yobu agumiikiriza era ayoleka okukkiriza; Yakuwa amuwa emikisa mingi

Ebyokulabirako okuva mu Bayibuli:

• 1Sa 1:​6, 7, 10, 13-16​—Kaana anakuwala nnyo olwa Penina okumuyisa obubi n’olwa Eli, Kabona Asinga Obukulu, okumulowooleza ky’atali

• Yob 8:​3-6; 16:​1-5; 19:​2, 3​—Mikwano gya Yobu abasatu beetwala okuba abatuukirivu era bamusalira omusango, ekiviirako Yobu okweyongera okunakuwala

Ebyawandiikibwa ebizzaamu amaanyi:

• Zb 37:​8, 9; Bef 4:26

Ebyokulabirako okuva mu Bayibuli ebisobola okukuzzaamu amaanyi:

• 1Sa 1:​9-11, 18​—Kaana bw’amala okweyabiza Yakuwa, awulira obuweerero

• Yob 42:​7, 8, 10, 17​—Yobu bw’amala okusonyiwa mikwano gye, Yakuwa amuwonya obulwadde era amusobozesa okuddamu okuba omusanyufu

Ebyokulabirako okuva mu Bayibuli:

• 2Sk 22:​8-13; 23:​1-3​—Kabaka Yosiya n’abantu b’afuga bakitegeera nti baliko omusango omunene mu maaso ga Yakuwa oluvannyuma lw’okuwulira Amateeka ga Musa nga gasomebwa

• Ezr 9:​10-15; 10:​1-4​—Ezera n’abantu banakuwala nnyo olw’okuba abamu ku bo baamenya etteeka lya Yakuwa ne bawasa abakazi abagwira

• Luk 22:​54-62​—Omutume Peetero anakuwala nnyo oluvannyuma lw’okwegaana Yesu emirundi esatu

 Ebyawandiikibwa ebizzaamu amaanyi:

• Zb 32:5; 103:​9-14; Is 1:18; Bik 3:19

• Laba ne Is 38:17; Mi 7:​18, 19

Ebyokulabirako okuva mu Bayibuli ebisobola okukuzzaamu amaanyi:

• 2By 33:​9-13, 15, 16​—Manase y’omu ku bakabaka ba Yuda abasingayo okuba ababi, kyokka yeenenya era Yakuwa n’amusonyiwa

• Luk 15:​11-32​—Yesu agera olugero lw’omwana eyazaawa okulaga nti Yakuwa mwetegefu okusonyiwa abantu

 Ebyokulabirako okuva mu Bayibuli:

• 2Sk 20:​1-3​—Kabaka Keezeekiya akaaba nnyo olw’okuba mulwadde nnyo era anaatera okufa

• Baf 2:​25-30​—Epafulodito mwennyamivu olw’okuba ekibiina kyawulira nti yalwala nnyo era mweraliikirivu olw’okuba alowooza nti ab’oluganda bakitwala nti yalemererwa okutuukiriza obuvunaanyizibwa bwe

Ebyawandiikibwa ebizzaamu amaanyi:

• Zb 92:​12-14; Is 40:​29-31; 46:4; 2Ko 8:12

Ebyokulabirako okuva mu Bayibuli ebisobola okukuzzaamu amaanyi:

• 2Sa 17:​27-29; 19:​31-38​—Baluziraayi assibwamu nnyo ekitiibwa, naye mu bwetoowaze agaana okukkiriza obuvunaanyizibwa obumuweereddwa olw’okuba akiraba nti akaddiye nnyo

• Zb 41:​1-3, 12​—Wadde nga Kabaka Dawudi ayinza okuba mulwadde nnyo, mukakafu nti Yakuwa ajja kumuyamba

• Mak 12:​41-44​—Yesu atendereza nnamwandu omwavu olw’okuba awaddeyo kyonna ky’alina