Omulabe wa Katonda omukulu ye Setaani Omulyolyomi. Kitonde kya mwoyo ekyajeemera Yakuwa. Setaani yeeyongera okulwanyisa Katonda era aleetera abantu emitawaana mingi. Setaani mubi. Mulimba era mutemu.​—Yokaana 8:44.

Ebitonde ebirala eby’omwoyo byegatta ku Setaani mu kujeemera Katonda. Baibuli ebayita balubaale. Okufaananako Setaani, balubaale balabe b’abantu. Baagala okulumya abantu. (Matayo 9: 32, 33; 12:22) Yakuwa ajja kuzikiririza ddala Setaani ne balubaale be. Basigazzaayo akaseera katono okuleetera abantu emitawaana.​—Okubikkulirwa 12:12.

Singa oyagala okubeera mukwano gwa Katonda, toteekwa kukola ebyo Setaani by’ayagala okole. Setaani ne balubaale tebaagala Yakuwa. Balabe ba Katonda, era baagala okukufuula omulabe wa Katonda. Oteekwa okulondawo gw’oyagala okusanyusa​—Setaani oba Yakuwa. Singa oyagala obulamu obutaggwaawo, oteekwa okulondawo okukola Katonda by’ayagala. Setaani alina obukodyo bungi era n’engeri nnyingi z’abuzaabuzaamu abantu. Abantu abasinga obungi ababuzaabuzizza.​—Okubikkulirwa 12:9.