Setaani akema abantu okukola ebintu ebibi. Omuntu ayagala okubeera mukwano gwa Katonda alina okukyawa Yakuwa by’akyawa. (Zabbuli 97:10) Bino bye bimu ku bintu mikwano gya Katonda bye beewala:

Obukaba. “Toyendanga.” (Okuva 20:14) Okwetaba n’omuntu nga temunnafumbiriganwa nakyo kikyamu.​—1 Abakkolinso 6:18.

Obutamiivu. “Abatamiivu . . . tebalisikira bwakabaka bwa Katonda.”​—1 Abakkolinso 6:10.

Okutta, Okuggyamu Olubuto. “Tottanga.”​—Okuva 20:13.

Okubba. “Tobbanga.” ​—Okuva 20:15.

Okulimba. Yakuwa akyawa “olulimi olulimba.”​—Engero 6:17.

 Ettemu n’Obutafuga Busungu. “Omuntu yenna ayagala ettemu [Yakuwa] amukyawa.” (Zabbuli 11:5, NW) “Ebikolwa by’omubiri [bizingiramu] . . . obusungu.”​—Abaggalatiya 5:19, 20.

Okukuba Zzaala. “Temwegattanga naye, omuntu yenna . . . bw’aba nga . . . wa mululu.”​—1 Abakkolinso 5:11, NW.

Obukyayi olwa Langi n’Amawanga. “Mwagalenga abalabe bammwe, musabirenga ababayigganya.”​—Matayo 5:43,44.

Ebintu Katonda by’atugamba biganyula ffe. Si kyangu buli kiseera okwewala okukola ebintu ebibi. Awamu n’obuyambi bwa Yakuwa era n’obuyambi bw’Abajulirwa be, osobola okwewala okukola ebintu ebitasanyusa Katonda.​—Isaaya 48:17; Abafiripi 4:13; Abaebbulaniya 10:24, 25.