EKITUNDU EKY’OKUBIRI
“Ekifo Kyange Ekitukuvu Mwakifuula Ekitali Kirongoofu”—Okusinza okw’Amazima Kwonoonebwa
OMULAMWA: Yuda ne Yerusaalemi byonooneka mu by’omwoyo ne mu mpisa
Yakuwa yali ayagala nnyo Abayisirayiri, ng’abatwala ‘ng’ekintu eky’omuwendo.’ (Kuv. 19:5, obugambo obuli wansi.) Naye Abayisirayiri tebaasiima kwagala Yakuwa kwe yabalaga, wabula baasalawo okusinziza bakatonda ab’obulimba mu yeekaalu ye! Baanakuwaza nnyo Yakuwa era baaleeta ekivume ku linnya lye. Kiki ekyaviirako Abayisirayiri okwonooneka bwe batyo? Kiki kye tuyigira ku bunnabbi bwa Ezeekyeri obukwata ku kuzikirizibwa kwa Yerusaalemi? Era biki bye tuyigira ku ngeri Isirayiri gye yakolaganamu n’amawanga agaali gagyetoolodde?
MU KITUNDU KINO
ESSUULA 5
‘Laba Ebintu Ebibi Ennyo eby’Omuzizo Bye Bakola’
Ezeekyeri alaba ebintu 4 ebyesisiwaza ebiraga nti eggwanga lya Isirayiri lyali lyonoonese nnyo mu by’omwoyo.
ESSUULA 6
“Kaakano Enkomerero Ekutuuseeko”
Ebintu eby’obunnabbi Ezeekyeri bye yakola byali biraga omusango Yakuwa gwe yali asalidde Yerusaalemi.
ESSUULA 7
Amawanga Gajja “Kumanya Nti Nze Yakuwa”
Amawanga agavoola erinnya lya Yakuwa era agaayigganya oba ne goonoona abantu be gaali tegasobola kusimattuka ebyo ebyandivudde mu ebyo bye gaakola. Kiki kye tuyigira ku ngeri Isirayiri gye yakolaganamu n’amawanga ago?
