Tegeka bulungi. Weekenneenye by’ogenda okuyigiriza okutuusa lw’otegeera ensonga enkulu ezirimu n’engeri ebyawandiikibwa gye biwagiramu ensonga ezo. Gezaako okunnyonnyola ensonga enkulu mu bigambo bitonotono era ebyangu okutegeera. Essira lisse ku ngeri abanaakuwuliriza gye banaaganyulwamu. Saba Yakuwa akuwe omwoyo omutukuvu.

Kozesa ebigambo ebiraga nti weekakasa. Mu kifo ky’okukozesa ebigambo byennyini ebiri mu kitabo oba mu kiwandiiko, kozesa ebigambo byo. Yogera mu ngeri eraga nti by’oyogerako obikakasa.

Yogera mu bwesimbu. Yogera mu ddoboozi erisaanira. Tunuulira abakuwuliriza bwe kiba nga kisaanira mu kitundu kyammwe.