ESSOMO 20
Okufundikira Obulungi
Omubuulizi 12:13, 14
MU BUFUNZE: Mu bigambo by’oyogera ng’ofundikira, kubiriza abakuwuliriza okukkiriza by’obayigirizza n’okubikolerako.
ENGERI Y’OKUKIKOLAMU:
-
Ebigambo by’oyogera ng’ofundikira bikwataganye n’omutwe gw’emboozi yo. Ddamu okwogera ku nsonga enkulu n’omutwe gw’emboozi yo.
-
Bakubirize okubaako kye bakolawo. Laga abakuwuliriza eky’okukola era obabuulire n’ensonga lwaki basaanidde okukikola. Yogera n’ebbugumu era nga weekakasa.
-
By’oyogera ng’ofundikira bisaanidde okuba nga bitonotono ate nga byangu okutegeera. Ng’ofundikira, toleeta nsonga ndala z’otannaba kwogerako. Ng’okozesa ebigambo bitono nga bwe kisoboka, kubiriza abakuwuliriza okukolera ku ebyo bye bawulidde.
