Ennyanjula
Katonda alinga taata ayagala ennyo abaana be. 1 Peetero 5:6, 7
Katonda ye Mutonzi waffe, era atufaako. Nga taata ow’amagezi era alina okwagala bw’awa abaana be obulagirizi, ne Katonda ayigiriza abantu buli wamu engeri gye bayinza okuba mu bulamu obusingayo obulungi.
Katonda atuyigiriza amazima ag’omuwendo agatuleetera essanyu era agatuwa essuubi.
Bw’onoowuliriza Katonda, ajja kukuwa obulagirizi era akukuume. Ate era ajja kukuyamba okwaŋŋanga ebizibu.
Naye waliwo n’omuganyulo omulala—ojja kuba mulamu emirembe gyonna!
Katonda atugamba nti: ‘Mujje gye ndi. Mumpulirize, musigale nga muli balamu.’ Isaaya 55:3
Era Oyinza Okwagala Okusoma Ebitundu Bino
ESSENTIAL BIBLE TEACHINGS
Katonda Alina Erinnya?
Katonda alina ebitiibwa bingi, gamba nga Omuyinza w’Ebintu Byonna, Omutonzi, ne Mukama. Naye erinnya lya Katonda lisangibwa mu Bayibuli emirundi nga 7,000.
