Tito yaweebwa obuvunaanyizibwa ‘obw’okulonda abakadde mu buli kibuga.’ Ne leero, enkola eyo y’egobererwa, abalabirizi b’ebitundu be balonda abakadde n’abaweereza mu bibiina.
AKAKIIKO AKAFUZI
Nga bwe kyali mu kyasa ekyasooka, Akakiiko Akafuzi kawa abalabirizi b’ebitundu obuvunaanyizibwa obw’okulonda abakadde n’abaweereza mu bibiina.
ABALABIRIZI B’EBITUNDU
Buli mulabirizi w’ekitundu alina okusaba Yakuwa amuyambe asobole okwetegereza obulungi ebikwata ku b’oluganda ababa basembeddwa okuweereza ng’abakadde oba abaweereza, era oluvannyuma n’alonda abo abatuukiriza ebisaanyizo.
ABALONDEDDWA OKUWEEREZA NG’ABAKADDE
Ab’oluganda ababa balondeddwa okuweereza ng’abakadde balina okweyongera okutuukiriza ebisaanyizo by’omu Byawandiikibwa.
