Yesu yakozesa olugero lw’eŋŋaano n’omuddo okulaga ekiseera n’engeri gye yandikuŋŋaanyizzaamu Abakristaayo abaafukibwako amafuta, era ng’ekyo yandikikoze okutandikira mu mwaka gwa 33 E.E.

13:24

‘Omusajja yasiga ensigo ennungi mu nnimiro ye’

• Omusizi: Yesu Kristo

• Ensigo ennungi zisigibwa: Abayigirizwa ba Yesu bafukibwako omwoyo omutukuvu

• Ennimiro: Ensi

13:25

“Abantu bwe baali beebase, omulabe we n’ajja n’asiga mu ŋŋaano omuddo”

• Omulabe: Sitaani

• Abantu bwe baali beebase: Ng’abatume bafudde

13:30

“Mubireke bikulire wamu okutuusa ku makungula”

• Eŋŋaano: Abakristaayo abaafukibwako amafuta

• Omuddo: Abakristaayo ab’obulimba

‘Musooke mukuŋŋaanye omuddo, oluvannyuma mulyoke mukuŋŋaanye eŋŋaano’

• Abaddu/abakunguzi: Bamalayika

• Omuddo gukuŋŋaanyizibwa: Abakristaayo ab’obulimba baawulibwa ku Bakristaayo abaafukibwako amafuta

• Okukuŋŋaanyiza mu tterekero: Abakristaayo abaafukibwako amafuta bakuŋŋaanyizibwa mu kibiina Ekikristaayo ekizziddwawo

Ekiseera eky’amakungula bwe kyatandika, kiki ekyayawulawo Abakristaayo ab’amazima ku b’obulimba?

Olugero luno lunjigiriza ki?