Agusito 5-11

EKIGAMBO KYA KATONDA KYA BUGAGGA

1. ‘Buulira Omulembe Oguliddawo’ ku Maanyi ga Yakuwa

(Ddak. 10)

Yakuwa yakuuma Dawudi mu buvubuka bwe (Zb 71:5; w99 9/1 lup. 25 ¶17)

Dawudi yakiraba nti Yakuwa yali amuyamba ne mu myaka gye egy’obukadde (Zb 71:9; g04-E 10/8 lup. 23 ¶3)

Dawudi yazzaamu abato amaanyi ng’ababuulira ku ebyo bye yali ayiseemu (Zb 71:17, 18; w14 1/15 lup. 23 ¶4-5)

WEEBUUZE, ‘Ani ku b’oluganda abali mu kibiina kyange amaze ekiseera ekiwanvu ng’aweereza Yakuwa gwe nnandyagadde okukyaza mu kusinza kwaffe okw’amaka atubuulire by’ayiseemu?’

2. Eby’Obugagga eby’eby’Omwoyo

(Ddak. 10)

Zb 72:8—Ekyo Yakuwa kye yasuubiza Ibulayimu mu Olubereberye 15:18 kyatuukirira kitya mu kiseera ky’obufuzi bwa Kabaka Sulemaani? (it-1-E lup. 768)

Eky’okuddamu
Biki bye wayize mu kusoma Bayibuli okwa wiiki eno?

Eky’okuddamu

3. Okusoma Bayibuli

(Ddak. 4) Zb 71:1-24 (th essomo 5)

BUULIRA N’OBUNYIIKIVU

4. Okutandika Okunyumya n’Abantu

(Ddak. 3) NNYUMBA KU NNYUMBA. Omuntu bw’atandika okukaayana komya emboozi mu mirembe. (lmd essomo 4 akatundu 5)

5. Weeyongere Okuyamba Abantu

(Ddak. 4) OKUBUULIRA EMBAGIRAWO. Weeyongere okunyumya n’ow’eŋŋanda zo eyali alonzalonza okutandika okuyiga Bayibuli. (lmd essomo 8 akatundu 4)

6. Okunnyonnyola Abalala Ebyo by’Okkiririzaamu

(Ddak. 5) Okwogera. ijwfq-E 49—Omutwe: Lwaki Abajulirwa ba Yakuwa Bakyusizzaamu ku Zimu ku Njigiriza Zaabwe? (th essomo 17)

OBULAMU BW’EKIKRISTAAYO

7. Bye Muyinza Okukolako mu Kusinza kw’Amaka

(Ddak. 15) Kukubaganya Birowoozo.

Okusinza kw’amaka kuyamba abaana okuyiga ‘okukangavvula n’okubuulirira kwa Yakuwa.’ (Bef 6:4) Kyetaagisa okufuba abaana okusobola okuyiga, naye kisanyusa nnyo nnaddala abaana bwe batandika okwagala amazima agali mu Bayibuli. (Yok 6:27; 1Pe 2:2) Laba akasanduuko “ Bye Muyinza Okukola mu Kusinza kw’Amaka,” ebisobola okuyamba abazadde okuteekateeka obulungi okusinza kw’amaka ab’omu maka ne bakuganyulwamu era ne bakunyumirwa. Oluvannyuma mukubaganye ebirowoozo ku bibuuzo bino:

Ku magezi agaweereddwa, galiwa ge wandyagadde okugezaako okukozesa?

Eky’okuddamu
Waliwo ekirala ky’olabye ekisobola okubaganyula?

Eky’okuddamu

BYE MUYINZA OKUKOLA MU KUSINZA KW’AMAKA

BAYIBULI:

Musobola okuwuliriza essuula za Bayibuli eza wiiki nga mukozesa Bayibuli ey’okuwuliriza eri ku mukutu oba musobola okuzigabana ne muzisoma. Buli omu asobola okusoma ebigambo by’omuntu omu aba ayogerwako
Mutegeke eby’okuddamu mu bibuuzo ebyesigamiziddwa ku kusoma Bayibuli okwa wiiki. Buli omu mu maka alondeko ekibuuzo kimu era akinoonyerezeeko. Oluvannyuma asobola okwogera ku ebyo by’aba ayize
Muleteeyo ekibuuzo oba mwogere ku mbeera emu, oluvannyuma munoonyereze ku misingi gya Bayibuli egituukirawo nga mukozesa ekitabo, Emisingi gya Bayibuli
Muzannye omuzannyo ogwesigamiziddwa ku kitundu ekimu mu Bayibuli
Buli wiiki teekateeka kaadi ng’eriko ekyawandiikibwa eky’enjawulo. Oyinza okukozesa ebiri mu Ebyongerezeddwako A mu brocuwa Yoleka Okwagala, era mugezeeko okukwata mu mutwe ekyawandiikibwa ekyo. Mwejjukanye ebyawandiikibwa ebyali ku kaadi wiiki ezaayita
Musomeyo ekitundu okuva mu kitabo Nyumirwa Obulamu Emirembe Gyonna!
Saba ab’omu maka go okunoonyereza ku kimu ku bitundu ebiri wansi w’ekitundu, “Ebibuuzo Ebikwata ku Bayibuli Biddibwamu” oba “Bible Verses Explained,” ebiri wansi wa, ENJIGIRIZA ZA BAYIBULI ku jw.org oluvannyuma bababuulire bye baayizeemu

ENKUŊŊAANA:

Mutegeke ekimu ku bitundu ebinaaba mu nkuŋŋaana
Muteeketeeke era mwegezeemu bye munaddamu mu nkuŋŋaana. Mupime obudde
Mwegezeemu mu nnyimba z’Obwakabaka
Mukubaganye ebirowoozo era mwegezeemu ku bye muyinza okwogera, okubaako gwe muzzaamu amaanyi ng’olukuŋŋaana olunaddako terunnatandika oba nga luwedde
Bwe wabaawo omu ku b’omu maka go alina ekitundu ky’anaatera okuwa mu nkuŋŋaana za wakati mu wiiki, asobola okukyegezaamu nga mwenna muwuliriza

OKUBUULIRA:

Mutegeke engeri y’okubuulira nnyumba ku nnyumba
Muteeketeeke ebyo bye munaayogera nga muzzeeyo eri abo be mwabuulira
Mulowooze ku ngeri gye musobola okubuulira embagirawo, oluvannyuma mwegezeemu engeri gye musobola okutandika okwogera n’omuntu mu ngeri ey’ekisa
Mwogere ku ebyo bye muyinza okukola okugaziya ku buweereza bwammwe mu kiseera ky’ekijjukizo oba nga mufunye oluwummula ku ssomero oba ku mulimu

EBYETAAGO BY’AMAKA:

Mwegezeemu ku ngeri gye muyinza okukwatamu embeera eriwo oba eyinza okujjawo, gamba ng’obutabaako ludda lwe tuwagira, okuyiikirizibwa, okwogerezeganya, n’okukuza ennaku ezikuzibwa
Mwegezeemu, ng’abaana bakola ng’abazadde ate ng’abazadde balinga abaana. Abaana banoonyereze ku nsonga emu oluvannyuma bagikubaganyeeko ebirowoozo ne bazadde baabwe

EBIRALA BYE MUYINZA OKUKOLAKO:

Mulabe programu ya JW Broadcasting^® era mugikubaganyeeko ebirowoozo
Musomeyo ekitundu oba mulabeyo vidiyo ku jw.org oluvannyuma mukubaganye ebirowoozo
Mulabe vidiyo oba musome ekimu ku bitundu ebiri wansi w’omutwe “Abavubuka” oba “Abaana” ebiri wansi wa ENJIGIRIZA ZA BAYIBULI ku jw.org
Mwejjukanye bye mwawandiika ku lukuŋŋaana olunene
Mwetegereze oba munoonyereze ku kitonde ekimu oluvannyuma mukubaganye ebirowoozo ku bye kituyigiriza ku Yakuwa
Oluusi n’oluusi muyitengayo omuntu abeegatteko mu kusinza kw’amaka era mubeeko bye mumubuuza
Mweteerewo ebiruubirirwa eby’eby’omwoyo era mukubaganye ebirowoozo ku ngeri gye muyinza okubituukako
Mubeeko kye mukolerako awamu, gamba ng’okusoma ku zimu ku maapu n’ebipande ebiri mu Nkyusa ey’Ensi Empya, oba okukola ekintu ekimu ekyogerwako mu Bayibuli gamba ng’eryato lya Nuuwa

Mulabe VIDIYO Mweyongere Okulongoosa mu Kusinza Kwammwe okw’Amaka. Oluvannyuma buuza abakuwuliriza:

Omwami ayinza atya okuleetera mukyala we okunyumirwa okusinza kw’amaka, ng’abaana tebakyaliwo awaka?

Eky’okuddamu

8. Okuyiga Bayibuli okw’Ekibiina

(Ddak. 30) bt sul. 13 ¶17-24

Okufundikira (Ddak. 3) | Oluyimba 123 n’Okusaba

OBULAMU BW'EKIKRISTAAYO N'OBUWEEREZA–AKATABO K'ENKUŊŊAANA

Obulamu bw’Ekikristaayo n’Obuweereza Bwaffe Enteekateeka y’Enkuŋŋaana eya Agusito 5-11, 2024

Luganda

Obulamu bw’Ekikristaayo n’Obuweereza Bwaffe Enteekateeka y’Enkuŋŋaana eya Agusito 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 Jjulaayi lup. 10-16

Abajulirwa ba Yakuwa

Agusito 5-11

ZABBULI 70-72

Oluyimba 59 n’Okusaba | Ennyanjula (Ddak. 1)

EKIGAMBO KYA KATONDA KYA BUGAGGA