Abo bonna abaagala okufugibwa Obwakabaka bwa Katonda basaanidde okuyiga ebikwata ku bwakabaka obwo n’ebyo bye bukoze. Lwaki? Kino kijja kubasobozesa okuba abakakafu nti Obwakabaka bwa Katonda bufuga n’okubakubiriza okubuulira abalala amawulire amalungi agakwata ku Bwabakabaka obwo. (Zb 45:1; 49:3) Ng’olaba vidiyo Obwakabaka—Emyaka 100 n’Okweyongerayo, noonya eby’okuddamu mu bibuuzo bino:

1. Firimu ya “Photo-Drama of Creation” yaganyula etya abo abaagiraba?

2. Leediyo yakozesebwa etya okutuusa amawulire amalungi ku bantu?

3. Nkola ki endala ab’oluganda ze baakozesa okubuulira amawulire amalungi, era biki ebyavaamu?

4. Nkyukakyuka ki ezizze zibaawo mu ngeri ababuulizi gye batendekebwamu?

5. Kutendekebwa ki abo abaagendanga mu ssomero lya Gireyaadi kwe baafunanga?

6. Enkuŋŋaana ennene ziyambye zitya mu kuyigiriza abantu ba Yakuwa?

7. Kiki ekikukakasa nti Obwakabaka bwa Katonda bufuga?

8. Tuyinza tutya okulaga nti tuwagira Obwakabaka bwa Katonda?