OBULAMU BW’EKIKRISTAAYO
Yamba ab’Omu Maka Go Obuteerabira Yakuwa
Yakuwa yatuma Yeremiya okulabula Abayisirayiri nti baali bagenda kubonerezebwa olw’okuba baali bamwerabidde. (Yer 13:25) Kiki ekyaleetera eggwanga eryo okuddirira mu by’omwoyo? Embeera ey’eby’omwoyo mu maka g’Abayisirayiri yali eyonoonese. Kirabika emitwe gy’amaka baali tebakyagoberera bulagirizi obuli mu Ekyamateeka 6:5-7.
Ne leero amaka bwe gaba amanywevu mu by’omwoyo, ebibiina nabyo biba binywevu. Emitwe gy’amaka bayinza okuyamba ab’omu maka gaabwe obuteerabira Yakuwa singa bassaawo enteekateeka ennungi ey’okusinza kw’amaka. (Zb 22:27) Oluvannyuma lw’okulaba vidiyo erina omutwe, “Ebigambo Bino . . . Binaabanga ku Mutima Gwo”
-
Biki ebitera okukifuula ekizibu okuba n’okusinza kw’amaka obutayosa, era abamu basobodde batya okubyaŋŋanga?
-
Birungi ki ebiva mu kubeera n’okusinza kw’amaka obutayosa?
-
Bwe kituuka ku kusinza kw’amaka, kusoomooza ki kwe nfuna, era nnaakola ki okukwaŋŋanga?