Nga tuli mu nnaku ezisembayo ‘ez’ennaku ez’enkomerero,’ tusuubira ebizibu eby’amaanyi okweyongera. (2Ti 3:1; nwtsty awannyonnyolerwa ebiri mu Mat 24:8) Bwe wagwawo akatyabaga, abantu ba Yakuwa bafuna obulagirizi mu kiseera ekituufu obubayamba okuwonyaawo obulamu. Okusobola okuwonawo nga waguddewo akatyabaga, tulina okwetegeka kati mu by’omwoyo ne mu by’omubiri.​—Luk 16:10.

• Weeteeketeeke mu by’omwoyo: Beera n’enteekateeka ennungi. Yiga engeri ez’enjawulo ez’okubuulira. Bwe weesanga nga tosobola kuwuliziganya na baluganda balala, totya. (Is 30:15) Yakuwa ne Yesu baba bali wamu naawe.​—od lup. 176 ¶15-17

• Weeteeketeeke mu by’omubiri: Ng’oggyeeko okuba n’ensawo erimu ebintu eby’okukozesa, buli maka gasaanidde okubaako n’emmere, amazzi, eddagala, n’ebintu ebirala bye gaterese eby’okukozesa bwe kiba kyetaagisa okuba mu kifo ekimu okumala ekiseera.​—Nge 22:3; g17.5 lup. 4, 6

MULABE VIDIYO, WEETEGEKEDDE AKATYABAGA? OLUVANNYUMA MUDDEMU EBIBUUZO BINO:

• Okuba abanywevu mu by’omwoyo kiyinza kitya okutuyamba nga waguddewo akatyabaga?

• Lwaki tusaanidde . . .

  • okuba n’empuliziganya ennungi n’abakadde?

  • okuteekateeka by’onookozesa ng’akatyabaga kaguddewo?

  • okumanya obutyabaga obw’enjawulo obuyinza okugwawo era n’eky’okukola mu buli mbeera?

• Bintu ki ebisatu bye tusobola okukola okuyamba abo abakoseddwa obutyabaga?

WEEBUUZE, ‘Bwe kituuka ku kweteekateeka biki bye nnyinza okuyigira ku kirwadde kya COVID-19?’