• Zb 36:6—Omuwandiisi wa zabbuli ayinza okuba nga yali ategeeza ki bwe yagamba nti obutuukirivu bwa Yakuwa bulinga “ensozi engulumivu [oba, “ensozi za Katonda,” obugambo obuli wansi.]”? (it-2-E lup. 445)

  Eky’okuddamu

• Biki bye wayize mu kusoma Bayibuli okwa wiiki eno?

  Eky’okuddamu

Okwetooloola ensi, bakkiriza bannaffe abamu bagwiriddwako obutyabaga obuva ku butonde oba obuleetebwa abantu. Ekyo kibaviiriddeko okufiirwa ebintu byabwe n’abantu baabwe. (Zb 9:​9, 10) Akatyabaga kayinza okugwawo ekiseera kyonna, n’olwekyo ffenna tusaanidde okweteekateeka.

Ng’ogyeeko okuteekateeka ebintu ebinaatuyamba ng’akatyabaga kaguddewo, abiki ebirala ebinaatuyamba nga kaguddewo?

• Weeteeketeeke mu birowoozo: Kimanye nti obutyabaga bugwawo, era lowooza ku ekyo ky’oyinza okukola nga akatyabaga kaguddewo. Weewale okwagala ennyo ebintu by’olina. Ekyo kijja kukuyamba okukola ebintu mu ngeri ey’amagezi, essira oliteeke ku kufuba okuwonyaawo obulamu bwo n’obw’abalala mu kifo ky’okutaakiriza ebintu byo. (Lub 19:16; Zb 36:9) Ate era kijja kukuyamba obutayisibwa bubi nnyo ng’ofiiriddwa ebintu byo.—Zb 37:19

• Weeteeketeeke mu by’omwoyo: Weeyongere okuba omukakafu nti Yakuwa asobola okukulabirira era nti ekyo ayagala okukikola. (Zb 37:18) Nga akatyabaga tekannagwawo, kijjukirenga nti Yakuwa ajja kuwa abaweereza be obulagirizi era abayambe ne bwe kiba nti ebintu byabwe byonna bisaanyeewo, era nga ‘bulamu bwabwe’ bwokka bwe buwonyeewo.—Yer 45:5; Zb 37:​23, 24

Bwe tuba abakakafu nti Yakuwa ajja kutuukiriza ebisuubizo bye, tuba tumufudde ‘kigo kyaffe mu biseera eby’obuyinike.’—Zb 37:39.

Mulabe VIDIYO Weetegekedde Akatyabaga? Oluvannyuma buuza abakuwuliriza:

• Yakuwa ayinza atya okutuyamba nga waguddewo akatyabaga?

  Eky’okuddamu

• Biki bye tuyinza okukola okweteekerateekera akatyabaga?

  Eky’okuddamu

• Tusobola tutya okuyamba abo abakoseddwa obutyabaga?

  Eky’okuddamu