Kyangu okulowooza nti tujja kusigala nga tuli bavubuka ennaku zonna era nti tetulituuka mu ‘nnaku ez’obuyinike’ ezijja ng’omuntu akaddiye. (Mub 12:1) Bw’oba ng’okyali muvubuka, kiba kituufu obuteeteerawo biruubirirwa bya mwoyo ng’olowooza nti okyalina ebiseera bingi nnyo?

“Ebintu ebitasuubirwa” bitutuukako ffenna, nga mw’otwalidde n’abavubuka. (Mub 9:11) Ate era, “temumanyi kijja kutuuka ku bulamu bwammwe enkya.” (Yak 4:14) N’olwekyo, bw’oba nga tolina kikulemesa, tolwawo kweteerawo biruubirirwa bya mwoyo. Yingira mu mulyango omunene ogw’okukola emirimu ng’oluggi lukyali luggule. (1Ko 16:9) Bw’onookola bw’otyo, tojja kwejjusa.

• Okubuulira mu lulimi olulala

• Okuweereza nga payoniya

• Okugenda mu masomero g’ekibiina

• Okuzimba Ebizimbe by’Obwakabaka

• Okuweereza ku Beseri

• Okuweereza ng’omulabirizi w’ekitundu