• Zb 108:9—Nsonga ki eyinza okuba nga ye yaviirako Mowaabu okwogerwako ‘ng’ebbenseni Katonda mw’anaabira’? (it-2-E lup. 420 ¶4)

  Eky’okuddamu

• Biki bye wayize mu kusoma Bayibuli okwa wiiki eno?

  Eky’okuddamu

Yakuwa bwe yanunula Abayisirayiri okuva mu mikono gy’eggye lya Misiri eryali ery’amaanyi ku nnyanja emmyufu, Abayisirayiri baasanyuka nnyo era ne bamuyimbira oluyimba. (Kuv 15:​1-19) Abasajja be baawoma omutwe mu kuyimba oluyimba olwo olupya. (Kuv 15:21) Yesu n’Abakristaayo abaaliwo mu kyasa ekyasooka nabo baayimbanga ennyimba ez’okutendereza Katonda. (Mat 26:30; Bak 3:16) Leero naffe tukiraga nti tusiima ebyo Yakuwa by’atukoledde, nga tuyimba mu nkuŋŋaana entono n’ennene. Ng’ekyokulabirako, oluyimba lwe tuyimbye olulina omutwe, “Tukwebaza Yakuwa,” lubadde luyimbibwa mu nkuŋŋaana zaffe okuviira ddala mu 1966.

Mu buwangwa obumu, abasajja bayinza okuswala okuyimba mu lujjudde. Abalala bayinza okutya okuyimba olw’okuba balowooza nti amaloboozi gaabwe si malungi. Kyokka tusaanidde okukijjukira nti okuyimba mu nkuŋŋaana kitundu kya kusinza kwaffe. Ekibiina kya Yakuwa kifuba nnyo okuyiiya ennyimba ennungi n’okulonda ennyimba eziba zituukirawo mu buli lukuŋŋaana. Ffe kye tulina okukola kyokka, kwe kugatta amaloboozi gaffe ne tuyimbira wamu okukiraga nti twagala Kitaffe ow’omu ggulu era nti tusiima by’atukolera.

Mulabe VIDIYO Ekibiina Kyaffe Gye Kivudde—Obukulu bw’Okuyimba, Ekitundu 2. Oluvannyuma buuza abakuwuliriza:

• Kintu ki ekikulu ekyaliwo mu 1944?

  Eky’okuddamu

• Baganda baffe mu Siberia baakiraga batya nti baali baagala okuyimba ennyimba z’Obwakabaka?

  Eky’okuddamu

• Lwaki okuyimba kukulu nnyo eri Abajulirwa ba Yakuwa?

  Eky’okuddamu