Yesu bwe yakola ekyamagero n’aliisa abasajja 5,000 awamu n’abakazi n’abaana, yagamba abayigirizwa be nti: “Mukuŋŋaanye obutundutundu obufisseewo, waleme kubaawo kyonoonebwa.” (Yok 6:12) Yesu yalaga nti asiima Yakuwa by’atuwa nga yeewala okubyonoona.

Mu kiseera kino, ab’oluganda abali ku Kakiiko Akafuzi bafuba okukoppa Yesu nga bakozesa bulungi ebintu ebiweebwayo okukola omulimu gwa Yakuwa. Ng’ekyokulabirako, bwe baali bazimba ekitebe kyaffe ekikulu mu Warwick, New York, ab’oluganda baagoberera pulaani eyabasobozesa okukozesa obulungi ssente eziweebwayo.

TUYINZA TUTYA OKWEWALA OKUKOZESA OBUBI EBITUWEEBWA . . .

• bwe tuba mu nkuŋŋaana ez’ekikristaayo?

• bwe tuba tufuna ebitabo ebyaffe ku bwaffe? (km 5/09 lup. 3 ¶4)

• bwe tuba tufuna ebitabo eby’okukozesa mu buweereza? (mwb17.02 “Kozesa Bulungi Ebitabo Byaffe” ¶1)

• bwe tuba tubuulira? (mwb17.02 “Kozesa Bulungi Ebitabo Byaffe ¶2 , n’akasanduuko)