Okuta Ongulumu ’Ba Yehova ma E’yo Eti Nzepi ’Diyi Niri
Mi oni e’yo okuta amani ’diyi ma dria. Mi ma nda pari okuta ni inyia mivu ri.
A’du Afa Ni I’ye Okuta ’Ba Yehova ma E’yo Eti Nzepi ’Diyi Niri ma Alea Ni Ya?
’Ba Yehova ma E’yo Eti Nzepi ’Diyi yi oku Mungu inzizu pale iri sabatu alu ri ma alea. (’Ba Ebraniani 10:24, 25) Okuta ’ba woro si ’diyi ma alea, ama e’yo Biblia ni imba ’diyi oni, dika geri amani ecozu eyi ayuzu idri amani ma alea ’diyi.
Okuta amavu ’diyi ma alea, tuni ’ba e’yo ale ekile ’bani e’yo alezu kilasia rile. Okuta ’diyi ma e’dota azini asiza ni o’a ongo pisi Mungu ziza be.
Emuta okuta ’diyi ma alea ri ovuni lu ’Ba Yehova ma E’yo Eti Nzepi ’Diyi ni a’dule ku. Ama ’ba dria omve emuzu alenia. Mi fi ajekokoru. ’Ba okuni vini sende ku.
You May Also Like
OKUTA YI
A’du Ni I ’Ye Jo Karini Ri ma Alea Ni?
Mi o’bi nga e’yo i ’yepi alenia ’diyi ne mi ngulupi si.