Danieli Ondri E’yo Mesia ma Emuta dria Ngoni’ari
Danieli Ondri E’yo Mesia ma Emuta dria Ngoni’ari
NABI Danieli o’a ndra eli 500 dria ’dale deresi ’ba osini nga Yesu ni ku. Te, Yehova fe Danieli ni e’yo sizu sawa ’bani ngazu Yesu ni pezu Mesia ru, kaniku Kristo ru, ri ma dria. ’Ba ’yo Danieli ma tia ’dini: “Awa’dini mi ma ni ani, mi ma va adaru kini, engazu o’du ndra azitani efuzu Yerusalemuni edezu eri sizu dikaria, ecazu kpere agu ’bani odu osuzu driniari vu, eri opimvani, sabatoni nga ovu aziri, azini sabatoni nga vini ovu kali azia drini iri.”—Danieli 9:25.
Ecozu sawa ndra Mesia ni e’dazu ri nizu, le ama ma niki nga oko risi sawa erini e’dazu ri ma e’doza. E’yo Ondriza ’di ni ’yo risi, e’do i “o’du ndra azitani efuzu Yerusalemuni edezu eri sizu dikaria” risi. “Azita ’di” efu ndra eli ngosi ya? Agu Biblia sipi Nehemia ni ’yo risi, azita ’bani abi Yerusalemu ni ri sizu dika ri efu ndra “eli kali iri Aritaserisesini opi nyazarurisi.” (Nehemia 2:1, 5-8) ’Ba adi sipi ’diyi ni ’yo risi Aritaserisesi e’do ndra opi nya eli 474 B.C.E si. Ani e’yo ’disi, eri ma eli 20 opi nyazuri ndra eli 455 B.C.E si. Curu’do ama isuki di eli E’yo Ondriza Danielini rini i e’dozu ri ’bo, eri eli, 455 B.C.E si.
Danieli ece eli ni nga ali ngopi dere “Mesia ’ba Dri Cepiri” e’da nga ku ri ra. E’yo Ondriza ’da ’yo “sabato aziri, azini sabato kali azia drini iri”—woro ni sabato 69. Sawa ’di ma woro ri zo ngopi ya? Biblia ’bani oja ti ndu ndu si ’diyi e’daki kini, sabato ’diyi ovukini odu be aziri aziri ri i ku, te eli aziri aziri ri i. Obi ndra ’bani eli ki lazu sabato ru, kaniku eli aziri eyi lazu sabato alu ru ri, ndra ’ba Yahudi ru drio ’diyi ni. Ecetasi, eyi ndra eli sabatoni ri inzi eli azirizo dria si. (Efuza 23:10, 11) Ani e’yo ’disi, eli ’bani e’yoni ondri 69 ’diyi ma ifi kini 69 pale eli 7, kaniku eli ni ma woro ri 483.
Afa acepi ri di amani e’dozu lazu. Akaki eli 483 la e’dozu eli 455 B.C.E. si, eri nga ama ji eli 29 C.E. ma alea. ’Diri bani di eli ndra Yesuni baputizimu bizu azini erini ecazu Mesia ru ri’i! * (Luka 3:1, 2, 21, 22) E’yo Ondriza ’di ma ’yeza ovuni adaru e’yo azi osutaru ni ku ya?
[E’yo sile eleleru ri]
^ par. 5 Engazu eli 455 B.C.E si cazu kpere eli 1B.C.E. si eri eli 454. Engazu eli 1 B.C.E. si cazu kpere 1 C.E. si eri eli alu a’dule (eli toko ni ndra yo). Engazu eli 1 C.E. si cazu kpere eli 29 C.E. si eri eli 28. Kalafe woko na ’diyi ni woro ri ma omuzu eli 483. ’Ba “nze” ndra Yesu ni amve dra ma alea eli 33 C.E. si, sabato 70 zori ma alea. (Danieli 9:24, 26) Mi ne buku Pay Attention to Daniel’s Prophecy! Ca, azini Insight on the Scriptures, Woko 2 ri, ma peji 899-901. Eyi iri tro ’Ba Yehova ma E’yo eti Nzepi ’Diyi gbaki ni.
[Afa gbale ri/E’da peji ma alea ’diyi 198]
For fully formatted text, see publication
“SABATO KALI AZIRI”
Eli 490
Sabato 7 Sabato 62 Sabato 1
(Eli 49) (Eli 434) (Eli 7)
455 406 ← B.C.E. C.E. → 29 33 36
“Azita muzu . . . Yerusalemu ovu Mesia “‘Ba nze” “Sabato
Yerusalemu ni siza ru dika eca ’bo Mesia ni kali
sizu azira
dika ri i bo
