ESELE 5

Ati’baru Babulonia Risi Kpere ’Ba ni Abi Yerusalemu ni Sizu

’Ba Israelini ’diyi ni nga ovuria Babulonia atiba ruria, nga eyi ma a’ita o’bi ra. Sadaraka i, Mesaka i azini Abedinego i ’ba ’be eyi aci ma alia, te Mungu onze eyi amve idriru. ’Da ma vutia ’ba Midia azini Parisia ’diyi ni Babuloni ni ndezu ’borisi, ’ba nga Danieli ni ’be kami ma egulea, te Mungu te eri ma ageyi erini kami ma ti opile ci risi.

Asizu opi Perisia ni Kuro nga ’ba Israelini ’diyi ku. Nga eyi ma dri da eyi vule angua eli 70 ma vutia ’bani eyi ’duzu jizu Babulonia ati’ba ru ria. Afa okokele eyini ’yele eyini dri dazu Yerusalemua ’bo ri ma vutia ri e’doki hekalu Yehovani si. Vutinia ari’ba nga mbele ru eyi oga azi ngazu ku. ’Diri ovu ogogo eli 22 eyini imvizu Yerusalemua ’bori ma vutia dika nga hekalu siza dera.

’Di ma vutia, ama nga e’yo oni aci Ezira ni dri dazu Yerusalemua muzu hekalu edezu ndrizaru ri ma dria. Di ovu eli 47 ma vutia ’bani hekalu dezu ’bo ri mavutia. Eli 13 aci Ezira ni ma vutia, Nehemia ko ’ba ’diyi ma aza abi Yerusalemu ni eyi onyopi ra ’diyi sizu dika. Esele TOWI ri ’du eli 152 adi kaniku a’dio ’dini eyi ’yezu.