Opi Nyaza Awa I Ndu Ndu
A’DIKO 65
Opi Nyaza Awa I Ndu Ndu
MI NI agu ’di ima bongo asi ndu ndu a’du e’yo si’ari ra ya? Yehova lu eri ni ma ’ye ’diniri ni. Agu ’diri nabi Munguni Ahiya i. Mi ni nabi eyi ’ba ngole ni’ari ra ya? Eyi ’ba Munguni e’yo nga mu pi i ’yepi dria ’dale ’diyi oluzu eyi tiari.
Ahiya ni ’dia e’yo nze Yerobuamu be. Yerobuamu ni ’ba azi Sulemani ni ’ba driceru ’ba jo iniri siba ’diyi niri i. Ahiya ni dri fuzu Yerobuamu be geria ’dia ’boria, Ahiya ’ye eyo azi osuta ru ni. Nga bongo o’diru ima rua ri tru dika asi eri nyiri nyiri 12. Nga ’yo Yerobuamu tia: ‘Mi ’du 10 ’diyi mini.’ Mi ni Ahiya fe Yerobuamu ni bongo nyiri nyiri 10 ’diyi a’du e’yo si’ari ra ya?
Ahiya nga ece kini Yehova ni nga mu opi nyaza ’di ’du Sulemani ma dria risi ra. ’Yo kini Yehova ni nga enyati 10 ’diyi fe Yerobuamu dri. ’Diri ma efi Rehobuamu Sulemani ma mvi ni nga opi nya enyati iri ma dria a’dule.
Sulemani ni e’yo Ahiya ni olu Yerobuamu ni ’diyi eri ria ’bo, a’oko nya eri saaru. Coti le Yerobuamu ni ’di ra. Te Yerobuamu nga apa Misiria. ’Da ma vutia Sulemani nga dra ra. Nya opi eli 40, te sawa ’disi eri ma mvi Rehobuamu ni di opi ru ni. Angu Misiri nia ’dale Yerobuamu nga eri Sulemani dra ’bo, ani nga dri eda angu Israeli nia ra.
Rehobuamu ovuni opi kililiru ni ku. ’Ye e’yo dri fupi ku ’dinile ri ’ba yi vu aga eri ma ati Sulemani ni ra. Yerobuamu pi mu ’ba kakau pie Opi Rehobuamu ni zizu ecozu o’azu ’ba yi pie geri kililiru si. Te Rehobuamu ga e’yo ’diyi erizu si. Adani nga e’yo onzi ’ye aga oko ri ra. Ani e’yo ’disi ’ba ngaki Yerobuamu ni ’ba opi ru enyati 10 ’diyi ma drilea te Rehobuamu awi di opi ru enyati iri Benyamini ni pi ma drilea Yuda be.
Yerobuamu leni ’ba ivule ’diyi ni muzu Yerusalemua Yehova ni inzizu hekalua ku. Nga kajo si mele si ani fe enyati 10 ’diyi ni inzizu i. Sawa were vutia angu ’da nga ga tre e’yo onzi si azini adra si.
E’yo ewaru vini enyati iri ’da ma alea indi. De nga Rehobuamu nya ni opi ca eli towi ku, opi Misiria ri pi emu ki a’di ’dizu Yerusalemua. O’du lonyi kakau ru hekalu Yehova ni ma alea ’diyi dria. Ani sawa were vutia hekalu nga awi ’dani afa azi kokoru ekile ndra ’ba ni eri sizu okorile.
