Tezu Yerusalemua
A’DIKO 105
Tezu Yerusalemua
’BA ’DIYI ’ba Yesu vuti bipi ’diyi ki. Obi ki azita erini ma vuti ani awiki Yerusalemua. Eyi ni teria tualu, o’duko amboru nga efi jo ma alea. Ri iku o’duko oli liza ni le. Coti andre aci ni nga e’da ’ba alu alu joa ’daari ma dria dria. Mi eco aci eyi alu alu ma dria ’dayi ne ra ya? ’Diri ma efi ngoni?
’Diri tali ni! Yesu ni di ’bua ’dale Ati i ni be, ani eri nga orindi alatararu ri da va ’dale ’ba i vuti bipi ’diyi pi ma dria. Mi ni orindi alatara ru di fe eyi dri a’du e’yo ’ye a ra ya? E’doki e’yo nze ti ndu ndu si.
’Ba Yerusalemua dria ’diyi ngaki o’duko ekile oli amboru nile ri eri ani ngaki emu a’du e’yo ni ’i ’ye niari ne. ’Ba nde ’diyi ma azi engaki suru ndu ndu ma alea emuzu Yerusalemua omu Israelini Pentekoste ru ri nyaria. ’Ba nde ’diyi osuki saaru! Eriki ’ba ti opele ’diyi ni e’yo onyiru Munguni ede ’diyi nzeria ti eyi ma ngulupi ni si.
Ngaki ’yo kini: ‘’Ba ’diyi enga woro Galilea. Te eyiki ti ovupi suru amani ma alea ri nze ngoni ru ya?’
Petero nga pa so orusi ecezu eyi dri. Ece eyi dri geri ’bani Yesuni ’dizu ri azini Yehova enga eri ’ba draza eselea risi ngoni ngonia ri. Petero nga ’yo ’dini: ‘Yesu ni sawa ’disi ’bua Mungu ma dri ndi ria. Ani epe orindi alatararu ini ndra oyo ni soleri ma ti ama dri. ’Diri asisile tali ’dini i ’ye zuri.’
Petero ni e’yo ’diyi ecezu ’boria, ’ba kakau o’aki candisi e’yo i ’yepi Yesu ma rua ’disi. Nga ki zi Petero ma tia: ‘Le ama ma ’ye a’du afa ni ya?’ Petero omvi eyi tia: ‘Emi ma oja idri emini dika emi ma isu batisimu.’ Ani o’du ’dasi, ’ba 3,000 isuki batisimu ecaza ’ba Yesu vuti bipi ’diyi ru.
