A’DIKO 16

Isaka Isu Oku Muke Ri

MINI oku i’da ’di ma alea ’di ra ya? Erima ru Rebeka ’i. Azini agupi erini imuzu erivu ’di Isaka ’i. Eri ’di eca erima oku ru. ’Di ’ye ndra ’i ngoni ngoni ya?

Isaka ma ati Iburahimu le ndra oku muke ’dini ni isu ima mvi ni ’i. Le ndra Isaka ma ’du oku Kanania ’diyi ma azi ku, ’ba ’diyi ni ndra Mungu inzoru ’diyi inzizu risi. Iburahimu nga di ndra ima ati’bo omve azini ’yo eri ni: ‘Ale mi mu ma ori’ba vu Harania oku isuzu ma mvi Isakani.’

Coti Iburahimu ma ati’bo nga ngamia ’du mudri aci izu ’di e’dozu. Erini cazu angu Iburahimu ma ori’ba ni o’azuri ma ageyia inyia ’boria, nga pa tu yi a’di ma tia. Eri ndra ondresi, sawa oku engapi aku ambo ma alea ’diyi ni imuzu yi ibezu yi a’dia risi. Ani ati’bo Iburahimuni nga Yehova ni zi: ‘Oku yi fepi mani azini ngamia ’diyi ni ri ma ovu mini pe Isaka ni okuru ri’i fo.’

Mbelearu, Rebeka nga imu yi ibe. Ati’bo ’di ni eri zizu yi mvuza si ria, fe erini ra. ’Da ma vutia, nga di vini yi fe ngamia yi vico ni nde kai ’diyi ni dria. ’Da ndra azi okporu ni a’dusiku ngamia eyi yi mvu angiri tu.

Rebekani ’di ’yezu ’bo ri ma vutia, atibo Iburahimuni nga erima ati ma ru zi erima tia. Nga vini zi ’i eco o’du ko eyivu le akua ini ’dasi ra ya ri zi indi. Nga ’yo eri ma tia: ‘Ma ati ni Betueli ’i, pari mini o’azu amabe ci.’ Iburahimu ma ati’bo ni ndra ra kini Betueli ni ndra Iburahimu adri Nahori ma mva. Ani nga kumuti si vaa Yehova ni awa’difo fezu erini ima dri cezu Iburahimu vile ori’ba yi vu risi.

Ini ’dasi ati’bo Iburahimuni ece Betueli ni azini Labani Rebeka ma andri ni asisile ini imuzu ri’i. A’iki ndra iritro ra Rebekani muzu eribe azini erini ecazu Isaka ma okuru ra. Rebeka ’yo ndra ngoni ’bani eri zizu ria? Yo ndra: ‘Ee,’ le ndra mu ra. Ani drusi ’dini ’dasi tu ndra ngamia ma dria aci izu dri dazu Kanania ri e’dozu.

Eyini ecaria, eri ndra ondreni. Rebeka ne agupi azini aciria amvu ma alea. Eri ndra Isaka ’i. Ovu ndra ayikosi erini Rebekani nezu risi. Isu de eli na erima andri Sara ni drazu ’bo ri ma vutia, eri ndra nga kiri candi ru e’yo ’disi. Te Isaka le di ndra Rebeka ni tu, ecadi ani ayikosi dika.

E’doza 24:1-67.

Zita E’yo Onizu ’Diyi