Ka tro ovu sawa eli drisi kaniku ayi drisi, ama ecekini okuta Kristiani ni eyi okuzu tualu ri ku. Eyini tro ovuzu e’yo ewaru kakau idri ma alea ’diyi ’be ra ti, ’Ba Yehova ma E’yo Eti Nzepi ’Diyi ki o’a ava si okuzuru tualu a’du ma e’yo si ya?

Eri e’yo azi amani onyiru ni. Paulo ni e’yo nzezu ’ba okupiru tualu ongulumu ru ’diyi ma dria ria, si ’dini, “ama alu alu ma dro asisile ama agyi ma e’yo dria.” (’Ba Ebraniani 10:24) E’yo ’di ma ifi “le ama ma egaki e’yo angiri” e’yo amani ama onizu ama eselea ri ma dria. Paulo ni di ’di ama oru e’yo ’ba azi ’diyi ki nizuri ’yezu ’yeta si. Akaki e’yo oni Kristiani azi ’diyi pi ma dria ’ba eyi vule akua ’diyi pie, ama ecoki isu oni kini taki ndra e’yo ewaru amani muzu aleniasi ’diyi ma ti kililiru ’bo. Ani ’diri di nga ama aza ko e’yo alu ’di ma ti tazu kililiru.

Agyi kililiru okopi ku ri sizu. Okuta amani ’diyi ma alea, afukini lu dri ’ba amani nira ’diyi pie a’dule ku, te agyi kililiru ’diyi pie. Sawa azi ’diyi ma alea, ama okuru tualu mile tizu avita kilili ’diyi si. O’ata o’azu tualu ’dile ri ma orodri ngoni ya? ’Diri ama aza ko orodri ’ba alu alu ama eselea ri niri nizu fezu leta ni zozu okporu. ’Dini, sawa azini si ama adripi kaniku amvupi kaki dri fu e’yo ewaru be, ama eyi ma aza ko mbeleru eyini ovuzu ama agyi niri si. (E’yo O’beza 17:17) Amani okuzuru tualu ongulumu amaniri ma alea ri ni e’da ama asiki ama “eselea dria tro tro.”—1 ’Ba Korintoa ’Diyi 12:25, 26.

Ama mi oru ’ba e’yo Mungu ni lele ri ’yepi ’diyi ki ’bazu mi agyi ru. Mi nga agyi ’dile ’diyi isu ’Ba Yehova ma E’yo Eti Nzepi ’Diyi ma eselea. Le mi fe afa azi ma atri mi okuzuru ama be ku fo.

• Eri amani orodriru okuzuru tualu okuta amani ’diyi ma alea a’du si ya?

• Mi le dri fu ’ba ongulumu amani ri ma alea ’diyi be ngoa’ri ya?