HKRIꞈ YAˇ VE A SHAꞈ TEꞈ HKʼAˇ
“Hpu tanˇ piˇ tuˬ awˬ pon yuˬ tawˆ leh haꞈ shaˉ taˍ˗oꞈ”
Ngaˬ hui awˬ yanˇ cawˇ htaˇ ceh tiˉ hpu tanˇ ve maˇ te cawˇ. Yaꞈ hkʼaˇ, tcuh yaˇ Pawˇluꞈ kʼoˆ ve “hpu tanˇ piˇ tuˬ awˬ pon yuˬ tawˆ leh haꞈ shaˉ taˍ˗oꞈ.” (1 Kawˇ 16:2) Ngaˬ hui Gʼuiˬ sha dawˇ pawnˍ laˇ ve tawˇ hkawˇ chi htaꞈ gʼaꞈ te ve kʼo, daꞈ kehˬ ve oˉ kʼoˍ pui tuˬ htaꞈ ga piˇ leh ngaˬ hui kaꞈ ha lehˬ tuˬ yoˬ. Ngaˬ hui a ciˉ ceh tiˉ tanˇ gʼa ve htawˇ, ngaˬ hui coˇ caˇ leh yawˇ htaꞈ chiˇ mvuh tuˬ mawˇ tanˇ piˇ ve htaꞈ Yaˬhoˉvaˬ awˬ hpfuhˇ shiˍ ve yoˬ.—Tawˇ 3:9.
Teˇ gʼaˇ le le hpu tanˇ piˇ tuˬ awˬ pon yuˬ tawˆ leh haꞈ shaˉ taˍ ve awˬ bon uiˍ jaˇ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
-
Hpu tanˇ piˇ tuˬ awˬ gʼuˇ suhˍ htaˇ kaꞈ dawˇ teh taˍ ve lehˬ aˬ htoꞈ ma awˬ bon cawˬ ve le?
-
Chaw teˇ hpaˍ hpaˍ kʼo, “hpu tanˇ piˇ tuˬ awˬ pon yuˬ tawˆ ve” hkʼaˬ hkʼe te ve le?
