HKRIꞈ YAˇ VE A SHAꞈ TEꞈ HKʼAˇ
Ngaˬ hui ve dawˇ hkʼaˇhtawˇ Gʼuiˬ sha htaꞈ ka tiꞈ yeˬ sheˍ
Ngaˬ hui tawˇ yaw leh te ve hkʼaw ceh tiˉ Gʼuiˬ sha htaꞈ ka tiꞈ yeˬ ve maˇ heˆ. Yaꞈ hkʼaˇ, dawˇ hkʼaˇ hkʼaw kaꞈ ka tiꞈ gʼa yeˬ ve yoˬ. (Chiˇ 19:14) Chi htaꞈ pa taw, Liꞈ hpu hkʼaw ngaˬ hui htaꞈ hteˇ ve awˬ ceuˬ hkʼa peu˗eˬ, yawˆ yan ve awˬ ceuˬ hkʼa peu˗eˬ, cawˇ ve awˬ ceuˬ hkʼa peu˗eˬ, daꞈ ve kehˬ ve awˬ ceuˬ hkʼa peu˗eˬ, nyi ma sha ve awˬ ceuˬ hkʼa peu˗eˬ leh shu ve awˬ lawn daꞈ ve awˬ ceuˬ gʼa kʼaˇ ve hkʼa peu˗eˬ htaꞈ gʼa dawˇ nyi ve tehꞈ kʼoˆ laˇ ve yoˬ. (Hpi 4:8) Teˇ pawˆ pawˆ kʼo, ngaˬ hui maˇ daꞈ ve dawˇ hkʼaˇ cawˬ puiˉ ve htawˇ, ngaˬ hui awˬ to yuˬ tiˍ puiˉ ve kʼo, dawˇ hkʼaˇ oˇ ve yuˬ baˬ gʼa leh daꞈ ve dawˇ hkʼaˇ kʼawꞈ cawˬ gʼa ve yoˬ. Ngaˬ hui ve dawˇ hkʼaˇ hkʼaw Gʼuiˬ sha htaꞈ ka tiꞈ yeˬ ve kʼo, te ve awˬ ceuˬ htaꞈ kaꞈ ka tiꞈ yeˬ gʼa ve yoˬ.—Mk 7:21-23.
Awˬ hawˉ lo ve Liꞈ hpu awˬ tawn chi teˇ hpaˍ, ngaˬ hui hkʼaˬ hkʼe ve dawˇ hkʼaˇ htaꞈ jaw kʼai cawˇ ve bvuhꞈ keu sheˍ:
