HKRIꞈ YAˇ VE A SHAꞈ TEꞈ HKʼAˇ
Gʼuiˬ sha ve kanˉ hkʼaˇ daꞈ ve awˬ meh cawˬ ve htaꞈ ngaˬ hkʼaˬ hkʼe te ga piˇ gʼa tuˬ le?
Yaˬhoˉvaˬ ve Shaˉhkiˆhkanˍ ve chaw te ve awˬ ceuˬ htaꞈ awˬ nu ve chaw chaˬ nyi chehˇ ve yoˬ. (1 Kawˇ 4:9) Ngaˬ hui a shu yawˇ awˬ to htaꞈ na nyi cawˇ ve, ‘Ngaˬ yaw ve tawˇ leh te ve awˬ ceuˬ Yaˬhoˉvaˬ htaꞈ chiˇ mvuh tuˬ te piˇ˗aw laˇ?’ (1 Peˍ 2:12) Yaˬhoˉvaˬ ve Shaˉhkiˆhkanˍ ve chaw lehˬ daꞈ ve awˬ meh cawˬ laˬ maw jaˇ˗oˬ ve yoˬ. Ngaˬ hui awˬ meh chi htaꞈ luˬ kʼai tuˬ maˇ te piˇ gaˇ.—Cuˇ 10:1.
Tawˇ pa haˉ chi teˇ maˬ hkʼaw, Hkriꞈ yaˇ lehˬ hkʼaˬ hkʼe te cawˇ ve le? Leh Liꞈ hpu hkʼaw ve awˬ liˇ awˬ hkʼaˇ hkʼaˬ ve teˇ maˬ ga laˇ gʼa ve le?
-
Shaˉhkiˆhkanˍ ve chaw maˇ heˆ ve nawˬ htaꞈ beuꞈ leh deˇ laˇ htaˇ
-
Aˉ poꞈ veuꞈ kʼaˇ, kaˇ, maˇ heˆ leh nawˬ ve yehˬ chaꞈ chiˆ leh maˇ daꞈ kehˬ htaˇ
-
Mvuhˇ miˬ ve awˬ liˇ maˇ hteˇ maˇ cawˇ ve htaꞈ shuˍ leh gʼaꞈ te gʼa tuˬ haˍ htaˇ
Liꞈ bvuhꞈ tawˆ ve hpawˇ kanˉ te ve awˬ viˉ awˬ nyi lehˬ Gʼuiˬ sha ve kanˉ hkʼaˇ daꞈ ve awˬ meh cawˬ ve htaꞈ hkʼaˬ hkʼe ga piˇ ve le?
Haꞈ daꞈ leh awˬ tehˬ ve htaꞈ vawˆ tiˍ taˍ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:
Gʼuiˬ sha ve kanˉ hkʼaˇ lehˬ liꞈ awˬ lawn teˇ hpaˍ htaꞈ coˇ caˇ leh cawˇ ve hkʼaw gu ve nawˬ gʼa shiˍ htaˇ aˬ htoꞈ ma dawˇ cawˇ ve le?
