Ha pa 11 maˬ 18-24 nyi
Chiˇ mvuh ve 107-108
Kʼa muiˬ hkawˇ 7 leh bon lawˬ ve | Hpawnˬ daꞈ ve tanˬ ve tawˇ hkawˇ (1 miꞈ niꞈ)
1. “Gʼuiˬ sha [Yaˬhoˉvaˬ] htaꞈ chiˇ mvuh˗o. Awˬ lawn kʼo, yawˇ daꞈ jaˇ”
(10 miꞈ niꞈ)
Yaˬhoˉvaˬ Iˉsaˍreˍlaˆ chaw htaꞈ Baˍbuˍlonˍ mvuhˇ miˬ lo awˬ ceˬ te chehˇ ve htaꞈ ga piˇ jaw ve hkʼe, yawˇ ngaˬ hui htaꞈ Saˍtanˍ ve miˬ guiˬ lo tawˆ la tuˬ ga laˇ gʼa ve (Chiˇ 107:1, 2; Kawˇ 1:13, 14)
Ngaˬ hui Yaˬhoˉvaˬ htaꞈ awˬ hpfuhˇ shiˍ ve kʼo, hpawnˬ daꞈ kuiˬ hkʼaw ngaˬ hui yawˇ htaꞈ chiˇ mvuh gaˇ tuˬ te laˇ ve (Chiˇ 107:31, 32; w07-SI 15/04 20 ¶2)
Yaˬhoˉvaˬ ngaˬ hui htaꞈ daꞈ ve awˬ ceuˬ te laˇ ve dawˇ nyi ve kʼo, ngaˬ hui yawˇ htaꞈ awˬ hpfuhˇ shiˍ maˇ la ve (Chiˇ 107:43; w15-SI 15/01 9 ¶4)
2. Co ha hpawˇ ve shehnˉ shiˍ
(10 miꞈ niꞈ)
-
Chiˇ 108:9—Aˬ htoꞈ ma te Mawˇbaˆ lehˬ “iˉ kaˆ keu tsuhˇ kuiˬ hkehˇ kʼoˍ” htaꞈ tehˆ taˍ ve le? (it-2-E 420 ¶4)
-
Chi teˇ shinˉ Liꞈ hpu gʼaw ve nawˬ aˬ htoꞈ ma awˬ bon gʼa ve le?
3. Liꞈ hpu gʼaw ve
(4 miꞈ niꞈ) Chiˇ 107:1-28 (th awˬ lawn 5)
4. Tawˇ tanˬ yaw daꞈ ve
(3 miꞈ niꞈ) Hto toˇ kuiˬ awˬ ti lo maˇ chehˇ htaˇ kaꞈ hto toˇ ve. (lmd awˬ lawn 1, awˬ tawn 4)
5. Nyi ma pfuhˇ ve chaw geh ca kʼawꞈ guiˇ˗e ve
(4 miꞈ niꞈ) Hto toˇ kuiˬ awˬ ti lo maˇ chehˇ htaˇ kaꞈ hto toˇ ve. Liꞈ hpu henˇ tuˬ awˬ hkʼaˇ kʼoˆ maˍ piˇ leh Liꞈ hpu henˇ ve htaꞈ caˉ daꞈ ve liꞈ piˇ sheˍ. (lmd awˬ lawn 9, awˬ tawn 3)
6. Bon maˍ ve
(5 miꞈ niꞈ) ijwyp˗SI 90—Awˬ lawn lonˉ ma: Ngaˬ maˇ daꞈ ve dawˇ hkʼaˇ htaꞈ hkʼaˬ hkʼe te jaw kʼai gʼa tuˬ le? (th awˬ lawn 14)
Kʼa muiˬ hkawˇ 46
7. Yaˬhoˉvaˬ htaꞈ awˬ bon uiˍ hkawˇ kʼoˆ piˇ tuˬ kʼa muiˬ hkawˇ kʼa ve
(15 miꞈ niꞈ) Teˇ geh jehˬ daꞈ ve.
Laˇ tsuhˇ gʼuiˬ nyi lo Iˉsaˍreˍlaˆ chaw Eˇjiˇtuꞈ maꞈ yaˇ htaꞈ Yaˬhoˉvaˬ ponˬ piˇ peuˬ hkʼawꞈ nawˉ, yawˇ hui Yaˬhoˉvaˬ htaꞈ kʼa muiˬ hkawˇ kʼa leh chiˇ mvuh piˇ ve yoˬ. (Tawˆ 15:1-19) Hawˉ hkʼaˆ lehˬ kʼa muiˬ hkawˇ awˬ suhˉ chi htaꞈ awˉ lawˉ kʼa ve yoˬ. (Tawˆ 15:21) Yeˍsuˆ leh awˉ lawˉ peuˇ ve Hkriꞈ yaˇ kaꞈ Yaˬhoˉvaˬ htaꞈ chiˇ mvuh tuˬ kʼa muiˬ hkawˇ kʼa ve yoˬ. (Maꞈ 26:30; Kawˇ 3:16) Chi beuꞈ teˇ co˗e ngaˬ hui kaꞈ hkʼa shuˍ te chehˇ ve yoˬ. Ngaˬ hui Yaˬhoˉvaˬ htaꞈ awˬ bon uiˍ jaˇ tehꞈ kʼoˆ piˇ tuˬ, Hkriꞈ yaˇ awˬ moˍ hkʼaw hpawnˬ daꞈ ve, hpawnˬ daꞈ lonˉ teˇ nyi, leh hpawnˬ daꞈ lonˉ shehˆ nyi hkʼaw kʼa muiˬ hkawˇ kʼa ve yoˬ. Tawˇ pa haˉ te kʼo, kʼa muiˬ hkawˇ “Yaˬhoˉvaˬ˗oˬ, awˬ bon uiˍ jaˇ mehˍ”, 1966 hkʼawꞈ htaˇ kaꞈ ngaˬ hui hpawnˬ daꞈ ve hkʼaw kʼa muiˬ hkawˇ chi kʼa ve yoˬ.
Chaw liˇ vaˇ liˇ teˇ hpaˍ hpaˍ hkʼaw kʼo, hawˉ hkʼaˆ shu mawˬ kuiˬ lo liꞈ hkawˇ kʼa ve lehˬ yaꞈ taw ve yoˬ. Teˇ hpaˍ kʼo, yawˇ hui maˇ cheuˬ tehꞈ dawˇ leh maˇ kʼa gaˇ ve yoˬ. Yaꞈ hkʼaˇ, hpawnˬ daꞈ ve hkʼaw kʼa muiˬ hkawˇ kʼa ve lehˬ Yaˬhoˉvaˬ htaꞈ oˉ kʼoˍ pui ve teˇ ceuˬ hpehꞈ ve tehꞈ ngaˬ hui maˇ leunˇ cawˇ ve yoˬ. Liꞈ hkawˇ chi teˇ hpaˍ te tuˬ leh hpawnˬ daꞈ ve teˇ pawˆ leh teˇ pawˆ liꞈ hkawˇ hkʼaˬ ve kʼa tuˬ, Gʼuiˬ sha ve kanˉ hkʼaˇ laiˉ ceuˬ te leh awˬ yanˇ yehˇ maˇ jaˇ. Ngaˬ hui te cawˇ ve lehˬ, hpawnˬ daꞈ ve hkʼaw awˬ viˉ awˬ nyi geh kʼa muiˬ hkawˇ kʼa ve yoˬ. Awˬ lawn kʼo, ngaˬ hui Yaˬhoˉvaˬ htaꞈ haꞈ leh mvuhˇ naw ma hkʼoˆ chehˇ ve ngaˬ hui ve Awˬ pa htaꞈ awˬ bon uiˍ jaˇ tehꞈ kʼoˆ piˇ gaˇ ve yoˬ.
VDO hpaw maˍ ve Hpehꞈ laˬ jaw ve awˬ lawn htaꞈ chaˬ nyi ve—Laꞈ shawnˍ hpehꞈ ve kʼa muiˬ hkawˇ, awˬ tawn 2. Peuˬ leh na taˍ ve chaw htaꞈ na piˇ sheˍ:
-
1944 hkʼawꞈ htaˇ aˬ htoꞈ ma a yeˇ uiˍ ve awˬ lawn cawˬ la ve le?
-
Saiˬ˗biˬ˗ri˗aˬ mvuhˇ miˬ lo awˬ viˉ awˬ nyi Yaˬhoˉvaˬ htaꞈ kʼa muiˬ hkawˇ kʼa piˇ ve awˬ hpfuhˇ shiˍ ve tehꞈ hkʼaˬ hkʼe hpeuꞈ maw laˇ ve le?
-
Aˬ htoꞈ ma te Yaˬhoˉvaˬ ve Shaˉhkiˆhkanˍ ve chaw kʼa muiˬ hkawˇ kʼa ve a yeˇ uiˍ jaˇ tehꞈ shawˍ ve le?
8. Hkriꞈ yaˇ awˬ moˍ Liꞈ hpu henˇ ve
(30 miꞈ niꞈ) w19.08 14-17 ¶1-9
