Ha pa 3 maˬ 23 nyi htaˇ ngaˬ hui ve hkehˉ chaw 12 lanˬ g’aˇ hpaˆ Yeˍsuˆ Hkriꞈ suh-e ve htaꞈ dawˇ nawˇ ve hpawnˬ daꞈ la tuˬ dawˇ law taˍ ve yoˬ. Yaˬhoˉvaˬ htaiˍ hk’awꞈ ve laꞈ shawnˍ peꞈ laˇ ve leh awˬ g’uˇ suhˍ hpawˇ ve awˬ bon htaꞈ bon maˍ paˍ k’aoˍ maˍ ve teˇ yanˇ, daꞈ jaˇ ve Shaˉhkiˆhkanˍ maˍ ve yoˬ! (Isy 11:6-9; 35:5, 6; 65:21-23; Yh 3:16) Yaꞈ hk’aˇ, bon maˍ paˍ ceh tiˉ Shaˉhkiˆhkanˍ maˍ tuˬ ve maˇ heˆ. Ngaˬ hui teˇ g’aˇ le le htawˇ hkehˉ chaw htaꞈ ha lehˬ ha k’a haꞈ yuˬ g’a ve yoˬ. (Roˉ 15:7) Beˆ maˍ laˇ hkawˇ chi htaꞈ nyi sheˍ.

• Nawˬ bon lawˬ htaˇ hk’a gaˬ mui law ve aꞈ kehˉ, hkehˉ chaw leh G’uiˬ sha kanˉ maˇ te-o ve chaw htaꞈ g’uiˬ suhˍ-ehˍ te piˇ leh ha lehˬ ha k’a haꞈ yuˬ piˇ cawˇ ve yoˬ.

• A shu yawˇ awˬ to kuˬ laˬ ve chaw htaꞈ nawˬ nyi piˇ tuˬ yoˬ. Yaˇ hk’aˇ, kuˬ piˇ ve liꞈ htaꞈ g’a leh a shu yawˇ hk’aˇ yawˇ laˬ ve chaw htaꞈ htawˇ coˇ caˇ leh nyi piˇ tuˬ taˇ leunˇ. Chaw awˬ suhˉ nawˬ geh kuˬ mui leh Liꞈ hpu leh k’a muiˬ liꞈ yawˇ htaꞈ hpeuꞈ maˍ piˇ hpehꞈ ve yoˬ.

• Bon maˍ peuˬ hk’awꞈ nawˉ, yawˇ hui na laˇ ve htaꞈ yaw hk’awꞈ piˇ tuˬ nawˬ hk’a dehꞈ gu hehnˇ taˍ-o. Hkriꞈ yaˇ awˬ moˍ teˇ moˍ hpawnˬ daꞈ kuiˬ chi htaꞈ k’awꞈ yehˇ leh, ngaˬ hui awˬ yanˇ maˇ cawˬ maˇ ve k’o, yawˇ geh haˆ haˆ ca k’awꞈ g’uiˇ-e tuˬ awˬ yanˇ tinˍ piˇ cawˇ ve yoˬ. Yawˇ hui htaꞈ caˉ daꞈ g’a hk’aˇ maˇ cawˬ k’o, “Bon maˍ hkawˇ chi hk’aˬ hk’e k’ai le? Caꞈ tawˇ yaw tuˬ nanˍ baꞈ cawˬ laˇ?” tehꞈ na nyi piˇ hpehꞈ ve yoˬ.