Aˬ htoꞈ ma te a yeˇ uiˍ ve le?: Liꞈ hpu henˇ ve chaw gʼuˇ suhˍ htaˇ gu teh taˍ ve kʼo, henˇ taˍ ve htaꞈ na gʼa leh tawnˇ gʼa ve yoˬ. Yawˇ hui gʼaˇ hteꞈ na gʼa leh tawnˇ gʼa ve kʼo, uiˍ la mvuh la vaiˇ ve yoˬ. Yawˇ hui Baˆtiˆsaˬ haꞈ yuˬ peuˬ ve htawˇ, “hkʼa dehꞈ shaw taˍ” tuˬ, hpawnˬ daꞈ˗e tuˬ leh hto toˇ˗e tuˬ gʼa gu hehnˇ taˍ ve yoˬ. (Maꞈ 25:13) Chi htaꞈ pa taw, yawˇ ve a shaꞈ teꞈ hkʼaˇ teˇ co˗e awˬ bon gʼa tuˬ, henˇ ve awˬ hkʼaˇ leh henˇ ve awˬ yanˇ hkʼa dehꞈ gu teh ve kʼo, ga piˇ gʼa ve yoˬ. Awˉ lawˉ htaˇ kaꞈ yawˇ Liꞈ hpu henˇ ve hkʼa dehꞈ gu teh tuˬ, ngaˬ hui ga piˇ cawˇ ve yoˬ.

Ngaˬ hui hkʼaˬ hkʼe te tuˬ le?:

• Daꞈ ve henˇ yuˬ tuˬ hpehꞈ sheˍ. (Roˉ 2:21) Nawˬ Liꞈ hpu ca maˍ˗e tuˬ gu htaˇ, Liꞈ hpu henˇ ve chaw teˇ gʼaˇ le le awˬ pon dawˇ nyi sheˍ. (km 11/15 3) Nawˬ ve liꞈ kʼoˆ hkʼaw hkʼawꞈ laˇ hkawˇ htaꞈ nyi tcuh sheˍ.

• Yawˇ gu teh tuˬ awˬ gʼaˇ piˇ sheˍ. Awˉ lawˉ teˇ pawˆ Liꞈ hpu henˇ htaˇ, gu taˍ ve kaꞈ Liꞈ hpu henˇ ve awˬ hkʼaˇ teˇ hkʼaˇ hpehꞈ leh yawˇ awˬ bon hkʼaˬ hkʼe gʼa tuˬ nawˬ kʼoˆ maˍ piˇ cawˇ ve yoˬ. Liꞈ hpu henˇ ve hkʼaˬ hkʼe gu teh tuˬ, yawˇ htaꞈ beˆ maˍ piˇ sheˍ. Gʼuˇ suhˍ htaˇ gu teh taˍ ve kʼo awˬ bon hkʼaˬ hkʼe gʼa tuˬ, Liꞈ hpu maˍ ve chaw teˇ hpaˍ hpaˍ Liꞈ hpu maˍ htaˇ, yawˇ ve liꞈ kʼoˆ Liꞈ hpu henˇ ve chaw htaꞈ nyi tcuh ve yoˬ. Yawˇ hkʼa dehꞈ gu teh taˍ laˇ ve mawˬ htaˇ chiˇ mvuh piˇ sheˍ.

• Hkʼaˬ hkʼe gu ve yawˇ htaꞈ maˍ piˇ sheˍ. Awˉ lawˉ teˇ pawˆ Liꞈ hpu maˍ htaˇ, Liꞈ hpu henˇ ve chaw hkʼaˬ hkʼe gu teh gʼa tuˬ, Liꞈ hpu maˍ ve chaw teˇ hpaˍ hpaˍ awˬ yanˇ yehˇ leh awˬ hkʼaˇ maˍ piˇ ve yoˬ.