Gʼuiˬ sha ve tawˇ hkawˇ lehˬ kanˇ paˆ cawˬ ve yoˬ! (Heˍ 4:12) Gʼuiˬ sha htaꞈ maˇ yonˍ ve chaw htawˇ, Gʼuiˬ sha ve tawˇ hkawˇ dawˇ cawˇ la puiˉ ve yoˬ. (1 Hteˇ 1:9; 2:13) Chaw teˇ gʼaˇ gʼaˇ Liꞈ hpu ve awˬ lawn gʼa kaˇ leh dawˇ cawˇ htaˇ, ngaˬ hui ha lehˬ jaˇ ve yoˬ.

Shu awˬ laꞈ gʼawˇ hpehꞈ la tuˬ maˍ piˇ ve hkʼaw ha lehˬ ve—Nawˬ maˍ puiˉ la tuˬ awˬ hkʼaˇ gu ve—Gʼuiˬ sha ve tawˇ hkawˇ kanˇ paˆ cawˬ ve hpeuꞈ maw sheˍ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Na˗hteˇ Na˗daꞈ htaꞈ Liꞈ hpu hkʼaw nyi tcuh htaˇ Gʼuiˬ sha ve tawˇ hkawˇ kanˇ paˆ cawˬ ve tehꞈ hkʼaˬ hkʼe te hpeuꞈ maw piˇ ve le?

• Na˗hteˇ Na˗daꞈ htaꞈ Liꞈ hpu hkʼaw gʼaw tcuh htaˇ awˬ hkawˇ tawˆ tcuh leh a yeˇ uiˍ ve tawˇ hkawˇ htaꞈ biˆ maˍ piˇ htaˇ Gʼuiˬ sha ve tawˇ hkawˇ kanˇ paˆ cawˬ ve tehꞈ hkʼaˬ hkʼe te hpeuꞈ maw piˇ ve le?

• Na˗daꞈ Liꞈ hpu chi teˇ tawn dawˇ cawˇ ve tehꞈ ngaˬ hui hkʼaˬ hkʼe te shiˍ gʼa ve le? Leh nawˬ dawˇ kʼo Na˗hteˇ hkʼaˬ hkʼe dawˇ ve le?