Yeˍsuˆ Paˍsaˍhkaˍ pawehˇ awˬ leh meuˇ teˇ pawˆ te htaˇ a yeˇ uiˍ jaˇ. Awˬ lawn kʼo, yawˇ suh ve awˬ yanˇ gaˬ la paˇ neˇ ve yoˬ. Hkʼe te leh yawˇ tcuh yaˇ geh Paˍsaˍhkaˍ pawehˇ caˇ tuˬ gu leh pawehˇ awˬ suhˉ teh ve yoˬ. Chi lehˬ Jawˇmawˇ mvuhˇ haˉ awˬ caˇ ve pawehˇ hpehꞈ leh teˇ hkʼawꞈ le le gʼa te ve yoˬ. Hkʼe te leh yawˇ Peˍtruˆ leh Yoˇhanˬ htaꞈ pawehˇ te tuˬ ve bawehˇ ca gu tcuh ve yoˬ. (Luˉ 22:7-13; awˬ htaꞈ hpawˇ ve awˬ han htaꞈ nyi sheˍ.) Chi lehˬ Ha pa 3 maˬ 27 nyi htaˇ, Yeˍsuˆ suh ve dawˇ nawˇ tuˬ hpawnˬ daꞈ tuˬ awˬ pon ngaˬ hui aˬ htoꞈ ma gʼa gu cawˇ ve tehꞈ dawˇ nyi tcuh laˇ ve yoˬ. Hkriꞈ yaˇ awˬ moˍ teˇ hpaˍ bon maˍ paˍ, a pehˉ meuˇ gʼuiˬ leh hkaoˍ monˇ, leh awˬ nu ve awˬ ceuˬ gu hehnˇ taˍ tuˬ yoˬ. Hkʼe kʼo, ngaˬ hui Yeˍsuˆ suh ve dawˇ nawˇ tuˬ hpawnˬ daꞈ ve hkʼaˬ hkʼe te gu hehnˇ taˍ gʼa tuˬ le?

Yeˍsuˆ htaiˍ hkʼawꞈ laˇ ve awˬ hpfuhˇ htaꞈ hkʼa dehꞈ dawˇ nyi sheˍ. Yeˍsuˆ suh ve dawˇ nawˇ tuˬ awˬ pon Liꞈ hpu gʼaw leh hkʼa dehꞈ dawˇ nyi sheˍ. Chi lehˬ Teˇ nyi le le Liꞈ hpu chaˬ nyi tuˬ liꞈ kʼoˆ hkʼaw ca gʼa ve yoˬ. Maˇ heˆ leh, awˬ lawn awˬ leuˉ B12 Miˬ guiˬ awˬ suhˉ yuˬ tawˆ ve Liꞈ hpu hkʼaw nyi gʼa ve yoˬ. (Hkriꞈ yaˇ ve a shaꞈ teꞈ hkʼaˇ leh Gʼuiˬ sha kanˉ te ve ha pa 4 maˬ 2020 hkʼawꞈ hkʼaw nyi sheˍ.) Chi hkʼoˆ kaꞈ, htaiˍ hkʼawꞈ ve awˬ hpfuhˇ htaꞈ caˉ daꞈ ve awˬ lawn kʼawꞈ shiˍ maˇ la tuˬ, teˇ yehˬ kʼa le le yehˬ kʼa hkʼaw oˉ kʼoˍ pui htaˇ dawˇ nyi gʼa ve yoˬ. Tawˇ pa haˉ te kʼo, Shaw nyi kuiˬ Taꞈ yehˬ ve awˬ lawn teˇ hpaˍ maˇ heˆ leh Yaˬhoˉvaˬ ve Shaˉhkiˆhkanˍ ve chaw hui ve pfuhˆ nyi kuiˬ liꞈ kʼoˆ hkʼaw ca gʼa ve yoˬ.

Awˬ nu ve chaw Yeˍsuˆ suh ve dawˇ nawˇ tuˬ hpawnˬ daꞈ la tuˬ coˇ caˇ leh jehˬ piˇ sheˍ. Nawˬ a shu htaꞈ jehˬ piˇ gʼa ve tehꞈ dawˇ nyi sheˍ. Tawˇ pa haˉ te kʼo, nawˬ ca kʼawꞈ guiˇ˗e ve chaw, nawˬ geh Liꞈ hpu henˇ jaw ve chaw, nawˬ shiˍ daꞈ ve chaw, leh nawˬ ve awˬ viˉ awˬ nyi. Chi hkʼoˆ kaꞈ, nyi haꞈ shaˉ paˍ lehˬ maˇ hpawnˬ daꞈ la˗oˬ leh maˇ hto toˇ˗o ve chaw htaꞈ jehˬ piˇ cawˇ ve yoˬ. Nawˬ jehˬ piˇ ve chaw nawˬ chehˇ kuiˬ awˬ paˇ lo maˇ chehˇ ve kʼo, yawˇ hui chehˇ kuiˬ awˬ paˇ lo Yeˍsuˆ suh ve dawˇ nawˇ tuˬ hpawnˬ daꞈ ve awˬ ti leh awˬ yanˇ vehˆsaiˉ hkʼaw ca leh kʼoˆ maˍ piˇ sheˍ. Vehˆsaiˉ jw.org hkʼaw, NGAˬ HUI VE AWˬ LAWN hkʼaw loꞈ˗e leh, “Yeˍsuˆ suh ve dawˇ nawˇ tuˬ hpawnˬ daꞈ ve” hkʼaw nyi sheˍ.

Ngaˬ hui hkʼaˬ hkʼe gu hehnˇ taˍ gʼa sheˍ ve le?