Ha lehˬ ve Gʼuiˬ sha Yaˬhoˉvaˬ lehˬ ngaˬ hui yawˇ ve kanˉ te htaˇ ha lehˬ tcuh gaˇ ve yoˬ. (1 Tiˆ 1:11) Ngaˬ hui maˍ ve awˬ hkʼaˇ cheuˬ la tuˬ te jawˬ ve kʼo ngaˬ hui kaꞈ ha lehˬ maˇ la tuˬ yoˬ. Na hkawˇ yehˇ ve lehˬ shu nyi ma pfuhˇ tuˬ te piˇ leh tawˇ hkʼa sha sha˗ehꞈ tanˬ yaw daꞈ gʼa tuˬ ga laˇ ve yoˬ. (Maꞈ 22:41-45) Na hkawˇ lehˬ shu dawˇ nyi tuˬ te piˇ ve yoˬ. Ngaˬ hui shu htaꞈ na hkawˇ na piˇ leh hkʼawꞈ laˇ hkawˇ law taˍ ve kʼo, yawˇ hui htaꞈ ‘nawˬ lehˬ a yeˇ uiˍ ve chaw’ hpehꞈ ve tehꞈ, ngaˬ hui kʼoˆ piˇ chehˇ ve hkʼe hpehꞈ ve yoˬ. (Yaˍ 1:19) Yawˇ hui ve hkʼawꞈ laˇ hkawˇ lehˬ, ngaˬ hui aˬ htoꞈ ma awˬ lawn kʼawꞈ yaw daꞈ tuˬ shiˍ ve yoˬ.

Shu awˬ laꞈ gʼawˇ hpehꞈ la tuˬ maˍ piˇ ve hkʼaw ha lehˬ ve—Nawˬ maˍ puiˉ la tuˬ awˬ hkʼaˇ gu ve —Na hkawˇ yehˇ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Na˗daꞈ lehˬ daꞈ ve te hkʼaˇ dawˇ hkʼaˇ aˬ htoꞈ ma cawˬ ve le?

• Na˗hteˇ lehˬ Na˗daꞈ htaꞈ a yeˇ yuˬ piˇ ve tehꞈ na hkawˇ hkʼaˬ hkʼe te yehˇ ve le?

• Na˗daꞈ daꞈ ve awˬ lawn sha tanˇ htaꞈ nyi ma pfuhˇ tuˬ Na˗hteˇ na hkawˇ hkʼaˬ hkʼe te na piˇ ve le?

• Na˗daꞈ dawˇ nyi puiˉ tuˬ Na˗hteˇ na hkawˇ hkʼaˬ hkʼe te yehˇ ve le?