Ha pa 4 maˬ 29 nyi–Ha pa 5 maˬ 5 nyi
Chiˇ mvuh ve 34-35
Kʼa muiˬ hkawˇ 10 leh bon lawˬ ve | Hpawnˬ daꞈ ve tanˬ ve tawˇ hkawˇ (1 miꞈ niꞈ)
1. “Ngaˬ lehˬ Gʼuiˬ sha htaꞈ hkʼaˬ htaˆ kaꞈ awˬ bon uiˍ hkawˇ yaw piˇ . . . tuˬ yoˬ”
(10 miꞈ niꞈ)
Shoꞈ shaꞈ ve leh tuꞈ ve hkanˍ ve gʼa hpuˇ htaˇ kaꞈ Daˍviˆ Yaˬhoˉvaˬ htaꞈ chiˇ mvuh ve (Chiˇ 34:1; w07-SI 01/03 22 ¶11)
Daˍviˆ yawˇ awˬ to htaꞈ taˍ uiˍ ve aꞈ kehˉ Yaˬhoˉvaˬ htaꞈ taˍ uiˍ ve (Chiˇ 34:2-4; w07-SI 01/03 22 ¶13)
Daˍviˆ Yaˬhoˉvaˬ htaꞈ chiˇ mvuh piˇ htaˇ yawˇ ve awˬ chawˇ teˇ hpaˍ kaꞈ awˬ gʼaˇ gʼa leh yonˍ maˇ la ve (Chiˇ 34:5; w07-SI 01/03 23 ¶15)
Aˍbiˆmaˍlehˆ Daˍviˆ htaꞈ gʼaꞈ kʼoˍ htaˇ, yawˇ hehˆ puiˉ hkʼaw lo ca hpaw chehˇ ve yoˬ. Leh Sawˉluꞈ htaꞈ maˇ dawˇ cawˇ ve chaw 400 gʼaˇ Daˍviˆ geh ca chehˇ la ve yoˬ. (1 Saˍ 22:1, 2) Daˍviˆ chaw chi teˇ moˍ htaꞈ dawˇ nawˇ leh chiˇ mvuh ve liꞈ kaˇ nanˉ uiˍ 34 bvuhꞈ ve yoˬ hehˉ.—Chiˇ 34, tanˬ ve awˬ tawn.
Nawˬ awˬ to htaꞈ na nyi sheˍ, ‘Hkriꞈ yaˇ awˬ moˍ hpawnˬ daꞈ ve gʼuˇ suhˍ teˇ pawˆ hkʼaw awˬ viˉ awˬ nyi geh yaw daꞈ htaˇ, ngaˬ Yaˬhoˉvaˬ htaꞈ hkʼaˬ hkʼe te chiˇ mvuh piˇ gʼa tuˬ le?’
2. Co ha hpawˇ ve shehnˉ shiˍ
(10 miꞈ niꞈ)
-
Chiˇ 34:7 awˬ maiˉ hkʼaw—Daˍviˆ “hoˆ taˍ” ve kʼoˆ htaˇ yawˇ aˬ htoꞈ ma kʼoˆ gaˇ ve hehˉ le? Leh awˬ lawn chi ngaˬ hui htaꞈ aˬ htoꞈ ma maˍ laˇ ve le? (w06-SI 15/05 20 ¶2)
-
Chi teˇ shinˉ Liꞈ hpu gʼaw ve nawˬ aˬ htoꞈ ma awˬ bon gʼa ve le?
3. Liꞈ hpu gʼaw ve
(4 miꞈ niꞈ) Chiˇ 34:1-22 (th awˬ lawn 5)
4. Tawˇ tanˬ yaw daꞈ ve
(2 miꞈ niꞈ) Hto toˇ kuiˬ lo maˇ chehˇ htaˇ kaꞈ hto toˇ ve. Nawˬ maˇ gʼa hto maˍ piˇ sheˍ htaˇ gʼa jehˇ ve. (lmd awˬ lawn 1, awˬ tawn 4)
5. Nyi ma pfuhˇ ve chaw geh ca kʼawꞈ guiˇ˗e ve
(4 miꞈ niꞈ) Hto toˇ kuiˬ lo maˇ chehˇ htaˇ kaꞈ hto toˇ ve. (lmd awˬ lawn 2, awˬ tawn 4)
6. Nawˬ ve yonˍ hkʼaˇ htaꞈ kʼoˆ maˍ ve
(5 miꞈ niꞈ) Te maˍ ve. ijwfq 59—Awꞈ lawn lonˉ ma: Yaˬhoˉvaˬ ve Shaˉhkiˆhkanˍ ve chaw pawehˇ te ve awˬ nyi htaꞈ te tuˬ hkʼaˬ hkʼe te dawˇ cheˆ ve le? (th awˬ lawn 17)
Kʼa muiˬ hkawˇ 59
7. Hpawnˬ daꞈ ve hkʼaw Yaˬhoˉvaˬ htaꞈ chiˇ mvuh gʼa tuˬ ve 3 hkʼaˇ
(15 miꞈ niꞈ) Teˇ geh jehˬ daꞈ ve.
Hkriꞈ yaˇ awˬ moˍ hpawnˬ daꞈ htaˇ ngaˬ hui Yaˬhoˉvaˬ htaꞈ chiˇ mvuh piˇ gʼa ve daꞈ jaˇ ve awˬ yanˇ cawˬ ve yoˬ. Shehˆ hkʼaˇ chi ve htaꞈ dawˇ nyi sheˍ.
Tawˇ yaw daꞈ ve: Shu geh tawˇ yaw daꞈ htaˇ Yaˬhoˉvaˬ hkʼaˬ hkʼe taw daꞈ ve kʼoˆ daꞈ sheˍ. (Chiˇ 145:1, 7) Nawˬ awˬ pon awˬ bon gʼa ve gʼa kaˇ jaw leh gʼa gʼaw jaw˗aw laˇ? Nawˬ hto toˇ ve hkʼaw daꞈ ve hpehꞈ laˬ jaw ve awˬ lawn cawˬ˗aw laˇ? Shu tawˇ yaw laˇ leh te laˇ ve htaꞈ nawˬ awˬ gʼaˇ gʼa jaw˗aw laˇ? Nawˬ hpanˍ taˍ ve awˬ ceuˬ htaꞈ nyi leh anˉ jaw˗aw laˇ? Chi hkʼa peu˗eˬ lehˬ Yaˬhoˉvaˬ geh laˬ ve laꞈ shawˍ hpehꞈ ve yoˬ. (Yaˍ 1:17) Hpawnˬ daꞈ ve maˇ tanˬ sheˍ htaˇ laˬ leh awˬ nu ve chaw geh tawˇ yaw daꞈ sheˍ.
Dawˇ hkʼaˇ piˇ ve: Hpehꞈ kʼai gʼa ve kʼo hpawnˬ daꞈ ve hkʼaw teˇ pawˆ hkʼawꞈ tuˬ coˇ caˇ sheˍ. (Chiˇ 26:12) Na hkawˇ htaꞈ hteˇ˗ehꞈ hkʼawꞈ ve, nyiˇ jawˆ teˇ jawˆ hkʼawꞈ ve, Liꞈ hpu awˬ tawn gʼaw ve, awˬ han kʼoˆ maˍ ve, maˇ heˆ leh hkʼaˬ hkʼe te yuˬ yehˇ gʼa tuˬ hkʼawꞈ piˇ hpehꞈ ve yoˬ. Nawˬ hkʼawꞈ tuˬ ve teˇ tawn htaꞈ awˬ nu ve chaw kaꞈ hkʼawꞈ gaˇ ve yoˬ hehˉ. Chi htaꞈ pa taw, hkʼawꞈ laˇ hkawˇ laiˉ taw gʼu teh taˍ sheˍ. ‘Gʼuiˬ sha htaꞈ chiˇ mvuh ve tanˇ tuˬ’ laiˉ gʼaˇ gʼa tanˇ piˇ tuˬ yoˬ.—Heˍ 13:15.
Liꞈ hkawˇ kʼa ve: Ha lehˬ ha kʼa ve hkaw liꞈ hkawˇ kʼa sheˍ. (Chiˇ 147:1) Nawˬ uiˍ jaˇ ve Hkriꞈ yaˇ awˬ moˍ hkʼaw chehˇ ve kʼo, hpawnˬ daꞈ ve teˇ pawˆ le le sheh kʼai paˍ nawˬ htaꞈ maˇ gʼa kuˬ laˇ ve yoˬ hehˉ. Yaꞈ hkʼaˇ, nawˬ liꞈ hkawˇ kʼa gʼa ve yoˬ. Nawˬ liꞈ hkawˇ kʼa maˇ puiˉ ve tehꞈ dawˇ ve yoˬ hehˉ. Yaꞈ hkʼaˇ, nawˬ coˇ caˇ leh kʼa ve kʼo, Yaˬhoˉvaˬ ha lehˬ jaˇ ve yoˬ! (2 Kawˇ 8:12) Aˉ hkʼaw lo chehˇ htaˇ nawˬ liꞈ hkawˇ kʼa jawˬ gʼa ve yoˬ.
VDO hpaw maˍ ve Ngaˬ hui hpehꞈ laˬ jaw ve awˬ lawn htaꞈ dawˇ nyi sheˍ—laꞈ shawˍ hkʼe hpehꞈ ve kʼa muiˬ hkawˇ awˬ tawn 1. Peuˬ leh na taˍ ve chaw htaꞈ na piˇ sheˍ:
Yaˬhoˉvaˬ htaꞈ kʼa muiˬ chiˇ mvuh ve lehˬ a yeˇ uiˍ jaˇ ve tehꞈ oˇ htaˇ Gʼuiˬ sha ve kanˉ hkʼaˇ hkʼaˬ hkʼe hpeuꞈ maw laˇ ve le?
8. Hkriꞈ yaˇ awˬ moˍ Liꞈ hpu henˇ ve
(30 miꞈ niꞈ) w19.04 22-25 ¶10-18 leh kʼawꞈ gʼaꞈ na ve
