Chi teˇ hkʼawꞈ tanˬ leh, ngaˬ hui Yeˍsuˆ suh ve dawˇ nawˇ tuˬ hpawnˬ daꞈ ve gu tuˬ awˬ yanˇ cawˬ maˇ la ve yoˬ. Awˬ yanˇ chi shinˉ peuˬ teˇ nyi te leh ngaˇ nyi htaˇ cawˇ ve kʼo, mvuhˇ hpeuꞈ hpawnˬ daꞈ ve maˇ cawˬ. Hkʼawꞈ nyi leh shinˉ nyi htaˇ cawˇ ve kʼo, bon maˍ ve leh shaw nyi kuiˬ henˇ ve maˇ cawˬ. Awˬ yanˇ chi awˬ bon cawˬ tuˬ nawˬ hkʼaˬ hkʼe te gʼa tuˬ le? Awˉ lawˉ peuˇ teˇ co˗e htaˇ, awˬ yanˇ chi ve hkʼaw laiˉ ceuˬ gu teh taˍ ve yoˬ. (Luˉkaꞈ 22:7-13; km 3/15-SI 1) Ngaˬ hui teˇ gʼaˇ le le a shu yawˇ ve nyi ma htaꞈ gu cawˇ ve yoˬ. Hkʼaˬ hkʼe te gʼa tuˬ le?

• Hpawnˬ daꞈ ve kʼai tuˬ aˬ htoꞈ ma te a yeˇ uiˍ ve tehꞈ dawˇ nyi sheˍ.—1 Kawˇ 11:23-26

• Bon lawˬ leh nawˬ Yaˬhoˉvaˬ geh hkʼaˬ hkʼe taw meuˆ daꞈ ve hkʼa dehꞈ dawˇ nyi sheˍ.—1 Kawˇ 11:27-29; 2 Kawˇ 13:5

• Yeˍsuˆ suh ve dawˇ nawˇ tuˬ hpawnˬ daꞈ ve htaꞈ caˉ daꞈ ve Liꞈ hpu awˬ tawn leh liꞈ kʼoˆ hkʼa dehꞈ gʼaw leh dawˇ nyi sheˍ.—Yoˇ 3:16; 15:13

Awˬ viˉ awˬ nyi teˇ hpaˍ kʼo, Yeˍsuˆ suh ve dawˇ nawˇ tuˬ Liꞈ hpu awˬ tawn Teˇ nyi le le Liꞈ hpu chaˬ nyi tuˬ liꞈ kʼoˆ hkʼaw gʼaw leh hkʼa dehꞈ dawˇ nyi ve yoˬ. Awˬ nu teˇ hpaˍ kʼo, Yeˍsuˆ suh ve teˇ shinˉ hkʼaw ve Liꞈ hpu awˬ tawn leh awˬ han yehˇ leh hkʼa dehꞈ dawˇ nyi ve yoˬ. Teˇ hpaˍ kʼo, Shaw nyi kuiˬ Taꞈ yehˬ liꞈ hkʼaw cawˬ ve Yeˍsuˆ suh ve dawˇ nawˇ tuˬ ve awˬ lawn leh, Yaˬhoˉvaˬ leh Yeˍsuˆ ngaˬ hui htaꞈ hkʼaˬ hkʼe taw haꞈ ve htaꞈ gʼaw leh hkʼa dehꞈ dawˇ nyi ve yoˬ. Hkʼaˬ hkʼe te henˇ ve maˇ kʼoˆ, nawˬ Yaˬhoˉvaˬ leh yawˇ ve yaˇ Paˍ Yeˍsuˆ geh meuˆ daꞈ piˇ˗oˆ.