Yaˍkoˆ a yeˇ uiˍ ve awˬ ceuˬ gʼa tuˬ mvuhˇ naw ma tcuh yaˇ geh behˇ daꞈ ve yoˬ. Oˇ ve lehˬ Yaˬhoˉvaˬ geh laˬ ve awˬ bon yoˬ. (Awˬ 32:24-31; Hawˇ 12:3, 4) Hkʼe kʼo ngaˬ hui˗ehꞈ? Ngaˬ hui Yaˬhoˉvaˬ htaꞈ hkʼa deh na yuˬ leh yawˇ geh laˬ ve awˬ bon gʼa tuˬ te˗aw la? Tawˇ pa haˉ te kʼo, hpawnˬ daꞈ ve kʼai tuˬ leh kanˉ 2-3 naˍ riˍ te maˇ tuˬ gʼa leuˆ ve kʼo ngaˬ hui aˬ htoꞈ ma leuˆ tuˬ ve le? Ngaˬ hui ve awˬ yanˇ, awˬ gʼaˇ, leh ngaˬ hui cawˬ taˍ ve awˬ ceuˬ Yaˬhoˉvaˬ htaꞈ piˇ ve kʼo, yawˇ ngaˬ hui htaꞈ “awˬ bon awˬ shinˉ hkʼa biˇ” naꞈ laˇ tuˬ yoˬ. (Ml 3:10) Yawˇ ngaˬ hui htaꞈ beˆ maˍ laˇ ve, haꞈ shaˉ laˇ ve, leh ngaˬ hui loˍ ve awˬ ceuˬ peꞈ laˇ tuˬ yoˬ.—Maꞈ 6:33; Heˍ 13:5.

Gʼuiˬ sha ve kanˉ te tuˬ hkʼa dehꞈ dawˇ nyi chehˇ˗oˆ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Awˬ viˉ awˬ nyi yaˇ miˇ chi teˇ gʼaˇ htaꞈ yawˇ dawˇ cawˇ ve awˬ ceuˬ hkʼaˬ hkʼe te lawˇ nyi piˇ ve le?

• Ngaˬ hui ve kanˉ ngaˬ hui htaꞈ hkʼaˬ hkʼe te lawˇ nyi laˇ ve le?

• Tiˆmoˉseˍ co ha hpawˇ ve chaw mawˇ hpehꞈ˗oˬ ve htawˇ, aˬ htoꞈ ma te co ha hpawˇ ve kanˉ te tuˬ kʼawꞈ dawˇ teh cawˇ ve le?—1Tiˆ 4:16

• Ngaˬ hui awˬ pon “a yeˇ uiˍ jaˇ ve kanˉ” lehˬ aˬ htoꞈ ma le?