Awˬ nu ve gʼuiˬ sha oˉ kʼoˍ maˇ gʼa pui tuˬ Gʼuiˬ sha awˬ liˇ tawˇ hkawˇ maˇ gʼa teh sheˍ htawˇ, Yaˍkoˆ Yaˬhoˉvaˬ htaꞈ ceh tiˉ oˉ kʼoˍ gʼa pui ve tehꞈ yawˇ shiˍ ve yoˬ. (Tawˆ 20:3-5) Hkʼe te leh, Yaˬhoˉvaˬ yawˇ htaꞈ Beˍteˍlaˆ lo kʼoꞈ˗e tehꞈ kʼoˆ piˇ peuˬ hkʼawꞈ nawˉ, Yaˍkoˆ yawˇ geh chehˇ ve chaw teˇ hpaˍ htaꞈ shaˉ hoꞈ hkʼa peu˗eˬ yuˬ baˬ˗oꞈ tehꞈ kʼoˆ piˇ ve yoˬ. Peuˬ leh, Yaˍkoˆ htawˇ shaˉ hoꞈ htaꞈ te luˬ leh naˍ vawˇ teˇ hpaˍ shehˉ hkʼe hpehꞈ ve htaꞈ te luˬ ve yoˬ. (Awˬ 35:1-4) Yaˍkoˆ oˇ hkʼe te ve htaꞈ Yaˬhoˉvaˬ nyi hkʼaˇ suh ve yoˬ.

Ngaˬ hui ve awˬ co˗e htawˇ, ngaˬ hui Yaˬhoˉvaˬ htaꞈ ceh tiˉ oˉ kʼoˍ hkʼaˬ hkʼe te pui gʼa tuˬ le? Shaˉ hoꞈ htaꞈ oˉ kʼoˍ pui leh neˇ shawˍ ve teˇ hpaˍ htaꞈ ngaˬ hui gʼa jaw kʼai ve yoˬ. Chi lehˬ faˍ te tuˬ mawˇ hkʼa peu˗eˬ htaꞈ gʼa yuˬ baˍ leh ngaˬ hui dawˇ cawˇ ve pyawˍ ve teˇ hpaˍ htaꞈ gʼa chaˬ nyi ve yoˬ. Tawˇ pa haˉ te kʼo, ‘neˇ suhˍ chawꞈ ve, chaw suh ku te toˇ ve, maˇ heˆ leh chaw yaˇ te maˇ gʼa ve aꞈ kehˉ te gʼa ve htaꞈ caˉ daꞈ ve liꞈ kʼoˆ leh awˬ han teˇ hpaˍ htaꞈ ngaˬ nyi chehˇ˗aw laˇ? Pyawˍ ve chi teˇ hpaˍ lehˬ faˍ te ve leh hkeu ve kawˆ tuˬ cawˬ˗aw laˇ?’ A shu yawˇ awˬ to htaꞈ chi hkʼe na nyi sheˍ. Yaˬhoˉvaˬ canˇ ve awˬ ceuˬ htaꞈ ngaˬ hui jaw kʼai cawˇ ve yoˬ.—Chiˇ 97:10.

“Neˇ haiˬ htaꞈ tawˍ daꞈ ve” VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Na˗miˇ aˬ htoꞈ ma awˬ lawn gʼa hpuˇ ve le?

• Neˇ ve awˬ lawn gʼa hpuˇ htaˇ aˬ htoꞈ ma te nyi haꞈ shaˉ paˍ ga laˇ tuˬ lawˬ cawˇ ve le?

• Yaˬhoˉvaˬ ngaˬ hui htaꞈ haꞈ shaˉ tcuh gaˇ ve kʼo aˬ htoꞈ ma gʼa te ve le?

• Na˗miˇ aˬ htoꞈ ma te tuˬ dawˇ cheˆ ve le?

• Nawˬ ve hkʼaˆ hkʼaw neˇ teˇ hpaˍ htaꞈ jaw kʼai gʼa tuˬ hkʼaˬ hkʼe te gʼa ve le?