Ngaˬ hui ve vehˆsaiˉ liꞈ mehˆ hpfuhˇ awˉ lawˉ htaˇ hkʼaw ve shu nyi ma pfuhˇ tuˬ VDO leh awˬ lawn teˇ hpaˍ cawˬ ve yoˬ. (Tcuh 13:48) Maˇ˗aw ve awˬ lawn lehˬ, awˬ lawn sha tanˇ hkʼaw shu kʼoˆ daꞈ chehˇ ve awˬ lawn cawˬ ve, maˇ heˆ leh laiˉ gʼaˇ dawˇ hkiˉ chehˇ ve leh shiˍ gaˇ ve awˬ lawn hpehꞈ ve yoˬ.

Vehˆsaiˉ jw.org hkʼaw ve liꞈ mehˆ hpfuhˇ awˉ lawˉ htaˇ ve teˇ maˬ hto toˇ ve hkʼaw hkʼaˬ hkʼe te yehˇ gʼa tuˬ le?

• Vehˆsaiˉ hkʼaw teˇ hkui teˇ hkui nyi sheˍ. Vehˆsaiˉ liꞈ mehˆ hpfuhˇ awˉ lawˉ teˇ maˬ hkʼaw aˬ htoꞈ ma awˬ lawn cawˬ ve teˇ hkui teˇ hkui nyi sheˍ. Leh awˬ lawn oˇ ve teˇ hpaˍ yehˇ leh nyi ma hpfuhˇ ve chaw htaꞈ hkʼaˬ hkʼe te yaw daꞈ gʼa tuˬ dawˇ nyi sheˍ. (Vehˆsaiˉ liꞈ mehˆ hpfuhˇ awˉ lawˉ teˇ maˬ hkʼaw keu jaw ve awˬ lawn nyi gaˇ ve kʼo, “kʼawꞈ caˉ nyi gʼa ve” hkʼaw nyiˉ loꞈ˗e sheˍ.) Nawˬ hkʼaˬ htaˆ kaꞈ vehˆsaiˉ hkʼaw nyi chehˇ ve kʼo, hto toˇ ve kanˉ hkʼaw yehˇ tuˬ awˬ lawn awˬ suhˉ teˇ hpaˍ cawˬ ve yoˬ.

• Vehˆsaiˉ jw.org liꞈ mehˆ hpfuhˇ awˉ lawˉ teˇ maˬ hkʼaw VDO leh awˬ lawn teˇ hpaˍ yehˇ leh tawˇ tanˬ yaw da sheˍ. Awˬ lawn leh VDO chi teˇ hpaˍ maˇ˗aw ve chaw aˬ htoꞈ ma ve awˬ lawn shiˍ gaˇ ve htaꞈ ngaˬ hui shiˍ tuˬ ga laˇ ve yoˬ.

• Vehˆsaiˉ liꞈ mehˆ hpfuhˇ awˉ lawˉ teˇ maˬ hkʼaw shu htaꞈ hpaw maˍ piˇ sheˍ. Shu shiˍ gaˇ ve awˬ lawn htaꞈ yehˇ leh vehˆsaiˉ hkʼaw awˬ lawn teˇ hpaˍ ca gʼa tuˬ awˬ hkʼaˇ kʼoˆ maˍ piˇ sheˍ.

• Shu htaꞈ linˉ (link) feu piˇ sheˍ. Chaw teˇ hpaˍ kʼo, ngaˬ hui geh tawˇ maˇ yaw daꞈ gaˇ. Yaꞈ hkʼaˇ, ngaˬ hui ve vehˆsaiˉ hkʼaw loꞈ˗e nyi gaˇ ve yoˬ hehˉ. Chi htaꞈ pa taw, ngaˬ hui vehˆsaiˉ feu piˇ ve, maˇ heˆ leh vehˆsaiˉ hkʼaw ve awˬ lawn teˇ hpaˍ, leh VDO teˇ hpaˍ yawˇ htaꞈ feu piˇ gʼa ve yoˬ.