Shu fawˉ mehˍ laˇ ve maˇ heˆ leh kʼoˆ guiˇ gʼuiˬ guiˇ laˇ htaˇ nyi ma leh awˬ to kaꞈ naˬ tuˬ te laˇ gʼa ve yoˬ. Ngaˬ hui oˉ kʼoˍ pui ve htaꞈ tawˍ laˇ ve gʼa hpuˇ htaˇ, ngaˬ hui kawˆ ve kʼo, ngaˬ hui ve yonˍ hkʼaˇ awˬ gʼaˇ nuˇ kʼai la ve yoˬ. Hkʼe kʼo, nawˬ fawˉ mehˍ ve gʼa hpuˇ htaˇ hkʼaˬ hkʼe te haꞈ yuˬ gʼa tuˬ le?

Yaˬhoˉvaˬ htaꞈ oˉ kʼoˍ pui ve chaw laiˉ gʼaˇ fawˉ mehˍ ve htaꞈ haꞈ yuˬ gʼa ve yoˬ. Awˬ lawn kʼo, yawˇ hui Yaˬhoˉvaˬ htaꞈ gʼaˇ va ve yoˬ. (Chiˇ 18:17) Tawˇ pa haˉ te kʼo, Haˍmanˍ shu htaꞈ fawˉ mehˍ ve haiˍ ve kanˉ htaꞈ Iˉsaˍtaˆ haꞈ hanˉ ve hkʼaw hpeuꞈ maw piˇ ve yoˬ. (Ist 7:1-6) Haˍmanˍ ve kanˉ maˇ hpeuꞈ maw sheˍ htaˇ, yawˇ Yaˬhoˉvaˬ htaꞈ gʼaˇ va ve tehꞈ hpeuꞈ maw piˇ leh caˇ tuˬ ce ve yoˬ. (Ist 4:14-16) Yaˬhoˉvaˬ Iˉsaˍtaˆ htaꞈ awˬ bon naꞈ piˇ leh yawˇ ve mvuhˇ miˬ yaˇ htaꞈ haꞈ shaˉ piˇ ve yoˬ.

Yaˇ nehˬ fawˉ mehˍ ve htaꞈ gʼa hpuˇ ve kʼo, Yaˬhoˉvaˬ ga laˇ tuˬ lawˬ leh chaw mawˇ htaꞈ kʼoˆ piˇ sheˍ. Tawˇ pa haˉ te kʼo, nawˬ pa nawˬ e htaꞈ kʼoˆ piˇ sheˍ. Yaˬhoˉvaˬ Iˉsaˍtaˆ htaꞈ ga piˇ ve hkʼe, nawˬ htaꞈ ga laˇ tuˬ yoˬ tehꞈ, nawˬ yonˍ gʼa ve yoˬ. Fawˉ mehˍ ve htaꞈ gʼa hpuˇ htaˇ, nawˬ aˬ htoꞈ ma kʼawꞈ te gʼa sheˍ ve le?

Yaˇ nehˬ ve a shaꞈ teꞈ hkʼaˇ—Ngaˬ fawˉ mehˍ ve htaꞈ gʼa hpuˇ htaˇ hkʼaˬ hkʼe te gʼa ve le? VDO nyi leh na hkawˇ chi htaꞈ hkʼawꞈ laˇ sheˍ:

• Chan˗le leh Fe˗le ve awˬ lawn htaꞈ yaˇ nehˬ aˬ htoꞈ ma henˇ yuˬ gʼa ve le?

  Nawˬ ve hkʼawꞈ laˇ hkawˇ

• Yaˇ fawˉ mehˍ ve htaꞈ gʼa hpuˇ htaˇ, haꞈ yuˬ gʼa tuˬ awˬ pa awˬ e lehˬ Chan˗le leh Fe˗le kʼoˆ maˍ laˇ ve awˬ ceuˬ htaꞈ aˬ htoꞈ ma henˇ gʼa ve le?

  Nawˬ ve hkʼawꞈ laˇ hkawˇ