Chaw laiˉ gʼaˇ kanˇ paˆ cawˬ ve chaw htaꞈ maˇ daꞈ ve hpawˇ tiˉ dawˇ nyi ve yoˬ. Awˬ lawn chi anˇ tuˬ maˇ loˍ. Awˬ lawn kʼo, aˬ sho˗eˬ htaˇ tanˬ leh chaw yaˇ lehˬ a shu yawˇ awˬ to awˬ pon ceh tiˉ dawˇ nyi ve yoˬ. (Miˆ 7:3) Yaꞈ hkʼaˇ, ngaˬ hui ha lehˬ gʼa ve yoˬ. Awˬ lawn kʼo, Hkriꞈ yaˇ awˬ moˍ hkʼaw ve nyi haꞈ shaˉ paˍ lehˬ, Yaˬhoˉvaˬ ve chaw awˬ pon yawˇ ve kanˇ paˆ yehˇ tuˬ gʼa henˇ taˍ ve yoˬ.—Ist 10:3; Maꞈ 20:25, 26.

Miˬ guiˬ hkʼoˆ ve kanˇ paˆ cawˬ ve chaw htaꞈ maˇ shuˍ, nyi haꞈ shaˉ paˍ lehˬ Hkriꞈ yaˇ awˬ moˍ hkʼaw awˬ vuiˬ gʼa te tuˬ, yawˇ hui coˇ caˇ ve yoˬ. Awˬ lawn kʼo, yawˇ hui lehˬ Yaˬhoˉvaˬ leh yawˇ ve chaw htaꞈ haꞈ ve yoˬ. (Yoˇ 21:16; 1 Peˍ 5:1-3) Yeˍsuˆ beˆ maˍ laˇ ve awˬ hawˉ lo nyi haꞈ shaˉ paˍ hui lehˬ, awˬ viˉ awˬ nyi teˇ gʼaˇ leh teˇ gʼaˇ Yaˬhoˉvaˬ ve yehˬ kʼa hpehꞈ ve tehꞈ shiˍ leh Yaˬhoˉvaˬ geh meuˆ daꞈ tuˬ ga piˇ ve yoˬ. Yawˇ hui lehˬ awˬ viˉ awˬ nyi htaꞈ yonˍ hkʼaˇ hpawˇ awˬ gʼaˇ piˇ tuˬ hkʼaˬ htaˆ kaꞈ gu hehnˇ taˍ ve yoˬ. Leh saꞈ laꞈ gʼonˍ hpawˇ shoꞈ shaꞈ ve awˬ lawn cawˬ htaˇ, ga piˇ tuˬ hkʼaˬ htaˆ kaꞈ gu hehnˇ taˍ ve yoˬ. Maˇ heˆ leh mvuhˇ yeˬ mvuhˇ haw lonˉ gʼa hpuˇ htaˇ ga piˇ tuˬ gu hehnˇ taˍ ve yoˬ. Nawˬ htaꞈ kaꞈ ga laˇ tuˬ loˍ ve kʼo, Hkriꞈ yaˇ awˬ moˍ hkʼaw nyi haꞈ shaˉ paˍ geh tawˇ yaw daꞈ tuˬ htawˇ dawˇ nawˬ dawˇ taˇ te chehˇ.—Yaˍ 5:14.

Yawˬ awˬ moˍ htaꞈ haꞈ ve yawˬ hawˉ shehˍ hpaˇ VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Ma˗ri˗naˇ nyi haꞈ shaˉ paˍ geh ga laˇ tuˬ hkʼaˬ hkʼe gʼa ve le?

  Nawˬ ve hkʼawꞈ laˇ hkawˇ

• E˗li˗aˆ nyi haꞈ shaˉ paˍ geh ga laˇ tuˬ hkʼaˬ hkʼe gʼa ve le?

  Nawˬ ve hkʼawꞈ laˇ hkawˇ

• VDO chi nyi peuˬ hkʼawꞈ nawˉ nyi haꞈ shaˉ paˍ te ve kanˉ htaꞈ nawˬ hkʼaˬ hkʼe dawˇ ve le?

  Nawˬ ve hkʼawꞈ laˇ hkawˇ